Wa waila sad wa waila (Alwidai)
Efforts: Syed-Rizwan Rizvi

وا ویلا صد وا ویلا ، وا ویلا

یہ جنازہ ہے حسن کا
شاہزادہ ئے امن کا

مولا حسن کو زہر دیا - وا ویلا
سم نے جگر کو ٹکڑے کیا - وا ویلا
زینب و فروہ گریہ کناں ہیں
کرتے ہیں قاسم آہ و بکا
واویلا

آئی ہیں مرقد سے زہرا - وا ویلا
کرتی ہیں شبر پر گریہ - وا ویلا
گھر سے تھا نکلا لوٹ کے آیا
برسے جنازے پر پیکاں
واویلا

آخری وقت رسول خدا
محو بکا ہیں شیر خدا
روتی ہیں زہرا باپ کے غم میں
حسن حسین ہیں گریہ کناں

خاتمہ ماہِ عزا کا ہُوا - وا ویلا
آخری مجلس ہے برپا - وا ویلا
آنکھ میں آنسو زخم جگر میں
روئے نہ جی بھر كے مولاؑ - وا ویلا
وا ویلا صد وا ویلا ، وا ویلا

سینہ نہ کیوں ماتم سے پَھٹا - وا ویلا
خون نہ کیوں آنکھوں سے بہا - وا ویلا
زہراؑ كے دلبر ابنِ پیمبرؐ
جاں کو فدا تم پر نہ کیا - وا ویلا
وا ویلا صد وا ویلا ، وا ویلا

برچھی کا پھل سینے میں لگا - وا ویلا
بازو ہوئے شانوں سے جدا - وا ویلا
عونؑ و محمدؑ ، قاسمؑ و اصغرؑ
سارے شہیدوں کا پُرسَہ - وا ویلا
وا ویلا صد وا ویلا ، وا ویلا

بالی سكینہؑ کا پُرسہ - وا ویلا
زینبِؑ مضطر کا پُرسہ - وا ویلا
اُمِّ رُبابؑ و لیلیٰؑ و عابدِؑ
سارے اسیروں کا پُرْسہ - وا ویلا
وا ویلا صد وا ویلا ، وا ویلا

اگلے برس گر زندہ رہے - وا ویلا
سانس ہماری چلتی رہے - وا ویلا
مجلس و ماتم پِھر سے کریں گے
کر لے خدا منظور دُعا - وا ویلا
وا ویلا صد وا ویلا ، وا ویلا

ختم ہوا یہ کلام آقا - وا ویلا
رضواں کا یہ سلام آقا - وا ویلا
کون جئے گا اگلے برس تک
کس کے نصیب میں پھر سے عزا - وا ویلا
وا ویلا صد وا ویلا ، وا ویلا
(سید رضوان رضوی)