Haey Abbas meray haey alamdar meray
Efforts: Syed-Rizwan Rizvi

Jukta huwa alam jo nazar aya shah ko. Wapas jo dekha nehr pa ate sipah ko. 
Bole hussain kaise ke aik lambhi aah ko. Benur kardiya mere bhayi nigaah ko.
 
Haey Abbas meray, haey alamdar meray (x2)
Chal gaye baad teray (x2) qalb pe talwar meray
Haey Abbas meray, haey alamdar meray (x2)
 
1) Bund pani ke liye haat katane wale
   Pyaase bacho ke liye khun bahane wale
   Kisliye sogaya tu (x2) Nehr pe gamkhwar mere
   Haey Abbas meray, haey alamdar meray (x2)
 
2) Tere dam pe mere lashkar ka bharam baki tha
   Ay alamdar tere sath alam baki tha 
   Kardiya tanha mujay (x2) Tu nay madadgar meray
   Haey Abbas meray, haey alamdar meray (x2)

3) Juk gayi meri qamar phat gaya sina mera
   Jis ghari kat ke gira khak pe bazu tera 
   Sainkron teer chale (x2) Dil se huwe paar meray
   Haey Abbas meray, haey alamdar meray (x2)

4) Pani jis dam se bhara khun bahayaa us utna
   Mashke ke sath jigar karliya zakhmi apna 
   Tere qurban gayaa (x2) May to wafadaar meray
   Haey Abbas meray, haey alamdar meray (x2)

5) Alatash ki ye sadaa tum bhi to sunte ho gay 
   Khaymo me aaho buqaa tum bhi to sunte ho gay
   zoo fisha gham me tere (x2) hain daro diwaar meray
   Haey Abbas meray, haey alamdar meray (x2)

6) Khali kuzoon me bhare bacho ne ansu apnay
   Kehti hay bali Sakina koyi faryad sunay
   legaya cheen ke dur (x2) Shimr sitamgaar meray
   Haey Abbas meray, haey alamdar meray (x2)
 
DORAY
-----------------------------------------------
Inse sikhe koi Shabbir ki nusrat karna
Mayi ni hajre risaalat ki hifazaat karna
Aaj bhi parchame abbas hai aage aage
Inki miras me ayaa hai kayadat karnaa
-----------------------------------------------
Haey Abbas meray, haey alamdar meray (x2)

7) Bole sheh hashr talak rasm rahay gi jaari
   Sari duniya me jahaa ho gi yeh matam dari 
   Tum jalooso ke ho gay (x2) qafela salaar meray
   Haey Abbas meray, haey alamdar meray (x2)

Chalgayi baad teray (x2) qalb pe talwar mere 
Haey Abbas meray, haey alamdar meray (x2)