Ziaraat.com - Noha Writeup/Text/Lyrics

نانا تیری زینبؑ لٹ کے آگئی ہے

درباروں میں بازاروں میں
تیرے دین کی آن بچا گئی ہے
نانا تیری زینبؑ آگئی ہے
نانا تیری زینبؑ لٹ کے آگئی ہے

یہ نیل رسن کے شانوں پر
یہ خاک بلا میرے بالوں پر
نانا میری ہستی خاک بنا گئی ہے
نانا تیری زینبؑ آگئی ہے

یہ خون کے چھینٹے چادر پر
لپٹی تھی میں لاش اکبرؑ پر
نانا اک برچھی دل میرا کھا گئی ہے
نانا تیری زینبؑ آگئی ہے

حلقے جو پڑے ہیں آنکھوں پر
خوں روتی رہی ہوں راہوں پر
نانا اب آنکھ میری پتھرا گئی
ہے نانا تیری زینبؑ آگئی ہے

کانٹوں پہ کبھی انگا روں میں
میں چل کے گئی بازاروں میں
نانا یوں مجھ پہ ضعیفی چھا گئی ہے
نانا تیری زینبؑ آگئی ہے

اک رسی میں بارہ تھے گلے
بازو بھی پسِ گردن تھے بندھے
نانا امت یہ قیامت ڈھاگئی ہے
نانا تیری زینبؑ آگئی ہے

نیند آتی نہ تھی جس بچی کو
کہتی تھی پھپی اب گھر کو چلو
نانا زنداں کی زمیں اسے کھا گئی ہے
نانا تیری زینبؑ آگئی ہے

پردے کا محافظ تھا غازیؑ
تصویر تھا میرے بابا کی
نانا اسےراس ترائی آگئی ہے
نانا تیری زینبؑ آگئی ہے

تم سے تھی اجازت لے کے گئی
کس حال میں دیکھو اب آئی
نانا اب میری کمر خم کھا گئی ہے
نانا تیری زینبؑ آگئی ہے

کرتی ہوں سوال یہ اب تم سے
بے پردہ کبھی دیکھا تھا مجھے
نانا کیوں قبر تیری تھرا گئی ہے
نانا تیری زینبؑ آگئی ہے

دو لعل فدا بھائی پہ کئے
بھائی پہ ردا بھی کی صدقے
نانا زینبؑ کی ردا کام آگئی ہے
نانا تیری زینبؑ آگئی ہے

گرتے رہے بچے اونٹوں سے
پھینکے گئے پتھر کوٹھوں سے
نانا خود موت میری گھبرا گئی ہے
نانا تیری زینبؑ آگئی ہے