Hajj chor ky kion py waindy o
Efforts: Aaliya Zulfiqar



حج چھوڑ کے کیوں پئے وہندے ہو ڈوھیں بھینڑؐ بھراؐ میں کعبہ ہاں
مینڈے کولوں ودھ بھلا کہڑی ھے کوئی امن دی جا میں کعبہ ہاں

میکوں خبر ھے اپنڑیں ہک دھی تو وطنؐ  لکا کے ٹر پیا ھیں
میڈی چھاں تے بہہ کہ بہی دھیؐ کوں رج جھولی پا میں کعبہ ہاں

کیوں شام غریباں دےپاسے عمرانؐ دی پوتریؐ ٹر پئی ہے 
میکوں سمجھ کہ گھر ابو طالبؐ دا رہوئے عونؐ دی ماںؐ میں کعبہ ہاں


بھلا کیں تاہیں سفر کریسن او جہڑا محمل وچ تھک پوندیاں ہن
 شبیرؐ سمجھ چا بھینڑیںؐ دی میکوں خیمہ گاہ میں کعبہ ہاں

مینڈے ہوندے جنگلاں دے پاسے کیوں پتر صغیر کو چائی ویندیں
کیویں راس ہے تینڈے اصغرؐ کوں کوئی سرخ ہوا میں کعبہ ہاں

جیویں تو ٹرپئے  ایویں ٹرنر  والے ول جیندے واپس نیں ولدے 
اے پتر بتولؐ داگل اپڑاں کج دیر چمامیں کعبہ ہاں

میں چاہندا ہاں بیت الحزن سمجھ تینڈی امڑی تاں رہ پووے ہا
تھک پوسی ہا انہاں سفراں وچ محرومہ ماں میں کعبہ ہاں

گوہر آواز آئی کعبے دی شالا اکبرؐ پتر دی خیر ہووی۔۔۔۔۔
مینڈی حسرت ہے مینکوں بچڑےؐ دی اذان سنڑا میں کعبہ ہاں

Hajj chor ky kion py waindy ho dhowain bhainr bhira mai kabaa haan
maindy kolon wadh bhala kehri hai koi aman di jaa mei kaba haan.

2. Mainko khabr hai apni hik dhee tou watan luka oy tur piya hay
maidi chaa ty beh ky bai dhee kon rajj jhooli paa main kaba haan

3. Kion shaam e ghareeban dy paasy Imran as di potri tur pai hai
maikon smj ky ghr abu talib aa da raway Aown di maan main kabaa haan.

4 . Bhala ky taien safar karesan o jehra mahmal dy wich thak pondiyan hin
Shabeer as samj cha bhainri di maikon khaima gah main kaba haan

5. maindy hondy janglan dy pasay kion putar sageer kon chai waindy 
Kiwain raas hai tendy Asghar as koon koi surkh hawa main kabaa haan.

6.Jiwain to tur pay aiwain turnr waly wal jeendy wapis nai waldy
Ay putr  Batool sa gal apnra kuj dair chuma main kabaa haan

7. Main chahnda haan Bait ul Huzn smj taindi amri taan reh powy haa
thak posi haa inha safran wich mehrooma maan main kaba haan

8.Gohar awaz aae kaaby di Shala Akbar putr di khair howi..
Maindi hasrat hai mainkon bachry di azaan sunra mai kaabaa haan 

(Kalaam Hussain Gohar)