Ye Jo Fizza Ne Ki Nokri Hai
Efforts: Abbas



Hasil hai sharaf Panjtan(as) ke ghulamon ko anokha
Kartay hain ghulaam in kay faqeeri mein bhi shahi
 
Shehan shahi se bhi keemti hai
Habsh ko chor kar us se moo mor kar Sayeda(sa) ki 
Ye jo Fizza(sa) ne ki nokri hai

Dehar mein dekh lo har jagah par
Bohat mashoor inki wafa hai        
Ek Hain Abbas(as) aur Paak Fizza(sa)
Farq in mein bhala kaun sa hai 
Mujhse pucho to falq-e-wafa ka
Ek hai chand aur ek chandni hai

Ashq beh beh ke ye hain batatay
Ye maqam-e-aqeedat hai kaisa 
Koi duniya mein mujhko bataye
Martaba hai mila kisko aisaa
Usko kis naam se main pukaron
Jiskay daman mein Zainab(sa) pali hai

Seh ke koi dikhaye zara ab
Is ne mushkil jo sar pe sahi hai
Karbala ho ya shaam-e-ghareeban 
Har jaga sath hi ye rahi hai
Jis say bandhi thi zalim ne Zainab(sa)
Us rasan se Fizza(sa) bandhi hai

Ja rahay ho magar yaad rakhna
Be ijazat lehad mein na jana
Roub un pe na hargiz jamana 
Baat kartay huay sar jhukana
Dar haqeeqat wo meray Nabi(saww) ko Fatima(sa) ki tarah ladli hai

Humne dekha wahan humse pehlay 
Ambiya sar jhukaye huay hain
Sakht parda hai lautay hain foran
Unke mehmaan aye huay hain
Le kay beton ko Fizza(sa) se milnay 
Lehad mein Fatima(sa) agayi hai