Dhee Kafan ty jhanr jhanr
Efforts: Binte Zulfiqar Ali



دھی کفن تے جھنڑ جھنڑ آہدی ہاں گل لا بابا میں زینبؐ ہاں
تیکوں لہجہ سنڑن دی حسرت ہائی میڈا سنڑ لہجہ میں زینبؐ ہاں

تیکوں جیڑھے ڈینہہ دی ضرب لگی روندائیں بازار دا ناں چا کے
بابا ویراں دے مانڑ کُجا بازار کُجا میں زینبؐ ہاں

میں اپنی پاک حیاتی وچ تیڈا رُخ نئیں رج کے ڈیکھ سگی
اج دید نئیں ہٹدی چہرے توں کر ڈیکھ نگاہ میں زینبؐ ہاں

میکوں خبر ہے تیڈے خون وانگوں میڈا محمل ٹُرنا شام تایئں
کیویں کھڑنے میں دربار دیوچ ڈس گئی ہے ما۔ میں زینبؐ ہاں

کہیں کہیں ویلے جیندی چادر کوں تُوں لُک لک کے چمدا ہانویں۔اج سامنے چُم ہاں چادر کوں آوہا عون دی ما میں زینبؐ ہاں

عباسؐ بنا میں سِکھ گھنساں محمل تے چڑھن سجادؐ کولوں 
بے کفن بھرا کوں چھوڑن دا میکوں آندا ڈا میں زینبؐ ہاں

کُجھ لحظہ پہلے تئیں بابا  ڈتے بوسے میڈیاں گسنیاں تے
کیوں چُپ تھی گئیں اُنہاں بوسیاں دا کوئی سبب ڈسا

گوہر سین آکھے جانڑدی ہاں توں شام فتح نیئں کر سگیا میں ذمے واری چیندی ہاں کر چھوڑ دعا میں زینبؐ ہاں

دھی کفن تے جھنڑ جھنڑ آہدی ہاں گل لا بابا میں زینبؐ ہاں
تیکوں لہجہ سنڑن دی حسرت ہائی میڈا سنڑ لہجہ میں زینبؐ ہاں