Ishq-e-Shabbir Nahi Dil Mein Baraye Jannat
Efforts: Abbas



Ishqe Shabbir ع nahi dil mein baraye jannat
Hoon azadaar nahi rakhta wilaye jannat

Jis ne Shabbir ع ke rozay ki ziyarat karli
Kuch nazar aata nahi usko siwaye jannat

Karbala dekh tera bakht badalne ko Hussain ع
Apne paaon ke talay sath le aaye jannat

Ye bahatar ka hai aijaaz-e-taharat warna
Farshe khaaki ko bhala kaun banaye jannat

Roza-e-Shah ع ki Jibraeel sajawat dekho
Jaa ke Rizwan se kaho aisi sajaye jannat

Aur dar pe Rizwan khara hai nahi janay de ga
Munkir-e-Aal-e-Nabi jaa ke dikhaye jannat

Kam nazar ghor se tu parchame Abbas ع ko dekh 
Hum liye phirte hain hathon pe uthaye jannat 

Aur tu bhi Hurr ع ban jaa to phir mujh se shikayat karna
Tere qadmon mein agar chal ke na aye jannat

Unki nazron mein bhala khuld ki keemat kya ho
Array jinka deewana bhi kya hathon se banaye jannat

Baad marne ke Khuda se yeh kahe ga Yasir
Bhej de Karbobala mujhko bajaye Jannat