Haey lahoo se ho gaya mehnga nehr ka pani maqtal may
Efforts: Syed-Rizwan Rizvi

Haey lahoo se ho gaya mehnga
Nehr ka pani maqtal may
Subha se le kar asar talak thi
Khoon ki rawani maqtal may

Tera bras ki haey jawani
Jan e Hasan ko ras na aayi
Khak may mil kar reh gaya aakhir
Yousaf e sani maqtal may
Haey lahoo se ho gaya mehnga
Nehr ka pani maqtal may

Deen ka alam sahil pe saja kar
Tashna labi pani ki bujha kar
So gaya apnay hath kata kar
Jafar e sani maqtal may
Haey lahoo se ho gaya mehnga
Nehr ka pani maqtal may

Sheh ne kaha aey raj dularay
Tu hay kahan baba ko bata day
Mera burrhapa dhoond raha hay
Teri jawani maqtal may
Haey lahoo se ho gaya mehnga
Nehr ka pani maqtal may

Saqqa haram aey nasir e Sarwar
Taigh chali jab sookhay galay par
Ki hay falak ne khoon barsa kar
Ashk fishani maqtal may
Haey lahoo se ho gaya mehnga
Nehr ka pani maqtal may

Fikr e Mujeeb aur lehn e Taqi hay
Gham ki nadi ankhon may dhali hay
Tashna labon par hoti rahay gi
Marsiya khawani maqtal may