Rozay pe Mustufa ke udasi see chhai hay
Efforts: Syed-Rizwan Rizvi

Rozay pe Mustufa ke udasi see chhai hai
Kunbay ko kho key Zainab-e-nashaad aai hai
Arey ro ker pukari nana main faryaad laai hoon
Main chhor kar hussain ko jungle main aai hoon
Rozay pe mustafa key udasi see chhai hai
Kunbay ko kho key Zainab-e-nashaad aai hai

Nana ajeeb sanahey ham per guzar gaye
Ranj o alam ney gheyr liya ham jidher gaye
Nana khuda key ghar main na hamko amaan mili
Bhai ne shehr chhor ke jungle ki raah li
Rozay pe mustafa key udasi see chhai hai
Kunbay ko kho key Zainab-e-nashaad aai hai

Nana hamaray ghar ka sab asbaab lut gaya
Nana hamaray sar pe na baqi rahi rida
Nana hazaar tarha jafa ki laeenon ney
Khaimon main haaye aag laga di laeenon ney
Rozay pe mustafa key udasi see chhai hai
Kunbay ko kho key Zainab-e-nashaad aai hai

Nana shaheed ho gaye bhai key jaan nisaar
Ek ek kar key mar gaye ashaab-e-zi waqar
Nana bala key ban main qayamat ka run para
Bhai sey bhai baap sey beta bichher gaya
Rozay pe mustafa key udasi see chhai hai
Kunbay ko kho key Zainab-e-nashaad aai hai

Nana zameen-e-karbobala laal ho gai
Qasim ki laash ghoron sey pamaal ho gai
Nana katta ker shaanon ko abbas mar gaye
Ghurbat main bhai jaan ko bey aas kar gaye
Rozay pe mustafa key udasi see chhai hai
Kunbay ko kho key Zainab-e-nashaad aai hai

Nana aseer barah they aur aik thi rassan
Bandhay gaye they misl-e-gunahgaar khasta tan
Nana ham apney haal pe rotay they baar baar
Nana hamarey haal pe hastay they bad shiaar
Rozay pe mustafa key udasi see chhai hai
Kunbay ko kho key Zainab-e-nashaad aai hai

Itnay main aik shaami ney nana ghazab kiya
Syedani ko kaneezi main ussney talab kiya
Hoti theen laakh zillatain ham deykhtey rahay
Hass hass key taziyaney sitam jhheyltay rahay
Rozay pe mustafa key udasi see chhai hai
Kunbay ko kho key Zainab-e-nashaad aai hai

Nana tabah ho ke ham aaye hain shaam sey
Ek dagh-e-nou sakina ka laaye hain shaam sey
Ab tak hain neel rassi key shaanon ko deykh lo
Nana hamaray tan pe nishanon ko deykh lo
Rozay pe mustafa key udasi see chhai hai
Kunbay ko kho key Zainab-e-nashaad aai hai

Zainab jo ro ke karti theen qabr-e-nabbi pe bain
Tharra raha tha roza-e-sultan-e-mashraqain
Bus khatam kar nisaar ye ghamnaak dastaan
Roye hain iss alam main zameen aur aasmaan