Madina jaaun
Efforts: Syed-Rizwan Rizvi

Madina jaaun
Aey bhai Hussaina
Rehaai paa ke jo zindaan se be watan aai

Ye keh ke gir gai naaqey se ro ke chillai
Ke merey haal pe roti hai ab to tanhaai
Salam karney ko aai hai teri maan jaai
Tu hi bata merey bhayya kahan sakoon paaon
Madiney jaun ya Karbobala main reh jaun

Tu hi bata merey bhayya kahan sakoon paaon
Madiney jaun ya Karbobala main reh jaun
Sitam ney loot li aik hi din main kaiynaat meri
Na jaaney kaise basar ho gi ab hayaat meri
Na din sakoon se guzrey ga ab na raat meri
Kahan hain laal merey jo sunain gey baat meri
Tu hi bata merey bhayya kahan sakoon paaon
Madiney jaun ya Karbobala main reh jaun

Tu hi bata merey bhayya kahan sakoon paaon
Madiney jaun ya Karbobala main reh jaun
Main tujh ko chor ke bhayya kahin naa jaaun gi
Main teri qabar ko apna watan banaoon gi
Main aik chhoti si basti yahin basaaon gi
Main zaaireen ko paani terey pilaaon gi
Tu hi bata merey bhayya kahan sakoon paaon
Madiney jaun ya Karbobala main reh jaun

Tu hi bata merey bhayya kahan sakoon paaon
Madiney jaun ya Karbobala main reh jaun
Akeli reh gai athhara bhaiyon ki behan
Jo hota ghazi to bandhti na bazoon main rassan
Bataaon kiya ke jo poochain ge mujhse ahl-e-watan
Hussain ko diya tum ne batao kaise kafan
Tu hi bata merey bhayya kahan sakoon paaon
Madiney jaun ya Karbobala main reh jaun

Tu hi bata merey bhayya kahan sakoon paaon
Madiney jaun ya Karbobala main reh jaun
Na koi tera yahan hain na koi mera wahan
Sakina sham main hai dafan aur tu hai yahan
Kahan kahan kissey rooey gi ab meri amman
Na ho ga ab kabhi abaad fatima ka makaan
Tu hi bata merey bhayya kahan sakoon paaon
Madiney jaun ya Karbobala main reh jaun

Tu hi bata merey bhayya kahan sakoon paaon
Madiney jaun ya Karbobala main reh jaun
Yahan hai asghar-e-bey sheer aur wahan jhoola
Yahan pe aun o muhammad wahan pe abdullah
Jo poocha bachon ko unsey kahoon gi kiya bhayya
Madina dil hai mera rooh meri Karbobala
Tu hi bata merey bhayya kahan sakoon paaon
Madiney jaun ya Karbobala main reh jaun

Tu hi bata merey bhayya kahan sakoon paaon
Madiney jaun ya Karbobala main reh jaun
Yahan hai Qasim-e-khasta badan wahan kubra
Yahan shabih-e-payamber wahan pe hai sughra
Wahan pe fazal akela yahan pe sab kumba
Jawab itney sawalon ka doon gi main tanha
Tu hi bata merey bhayya kahan sakoon paaon
Madiney jaun ya Karbobala main reh jaun

Tu hi bata merey bhayya kahan sakoon paaon
Madiney jaun ya Karbobala main reh jaun
Ye haath jour ke kehti hai teri maan jaai
Duaain dey gi merey bhai meri tanhaai
Bus aik din ko merey sath chal merey bhai
Lagay ga jaise madiney main phir bahar aai
Tu hi bata merey bhayya kahan sakoon paaon
Madiney jaun ya Karbobala main reh jaun

Tu hi bata merey bhayya kahan sakoon paaon
Madiney jaun ya Karbobala main reh jaun
Lo jaa rahi hai behan alwida merey bhai
Rahi jo zinda to phir aaye gi ye maan jaai
Raza ye suntey hi qabar-e-hussain tharrai
Phir iskey baad kabhi ye sada nahi aai
Tu hi bata merey bhayya kahan sakoon paaon
Madiney jaun ya Karbobala main reh jaun
Tu hi bata merey bhayya kahan sakoon paaon
Madiney jaun ya Karbobala main reh jaun 4x