Babul hawaij Haider da laal ay
Efforts: Syed-Rizwan Rizvi

Babul hawaij Haider da laal ay Paykar wafa da mola Abbas ay
Zahra da sadqa sun lay duawan, Dukhiya di mola teray tay aas ay

1) Teray alaam ton millni shifawana, Tu taliyan nay mola qazawan (x2)
Deway tu bachray mawan nu mola, Nahi taalda ay teri khuda ay

2) Teray tay raazi hay pakh Zahra, Mamnon teray imam barah (x2)
Manzoor kaarlay tu saab duawan Haar matami di teray tay aas ay

3) Mushkil khusha tu hajat rawa tu Vich Shaam Zainab day rahi sada tu (x2)
Aabad kar day haar khaali jholi Teray alam vich Asghar di pyaas ay

4) Maqrooz jera vi hay molayi, Kar usdi mola mushkil kushayi (x2)
Sadqa Sakina da mola Ghazi Kaar mominah di hajat rawa ay

5) Hum shakal Haider doja Ali ay, Haider day vangon shair-e-jari ay (x2)
Tu kibriya ay mola wafa da, Tenu dua tay Zahra di khaas ay

6) Jis nu vi chahwain deywe badshahi, Tera alam ay deway gawahi (x2)
Aj vi buland hay parcham hay tera Jo pyaasayan day ghum vich udaas ay

7) Johar diyan sun mola duawan, Har waqt devay ayho sadawan (x2)
Karbobala di dharti tay mola Gham khawar tera babe qaza ay

بابُ الحوائج حیدرؑ دا لعل اے
پیکر وفا دا مولا عباسؑ اے

تیرے علم توں ملنی شفاواں
توں ٹالیاں نِیں مولاؑ قضاواں
دیوے تو بچڑے ماواں نوں مولاؑ
نئیں ٹالدا اے تیری خدا اے
بابُ الحوائج حیدرؑ دا لعل اے

تیرے تے راضی اے پاک زہراؑ
ممنون تیرے امام بارہ
منظور کر لے تو سب دعاواں
ہر ماتمی دی تیرے تے آس اے
بابُ الحوائج حیدرؑ دا لعل اے

مشکل کشاء توں حاجت روا توں
وچ شام زینبؑ دے رئی صدا توں
آباد کردے ہر خالی جھولی
تیرے علم وچ اصغرؑ دی پیاس اے
بابُ الحوائج حیدرؑ دا لعل اے

مقروض جیڑا وی اے مولائی
کر اُسدی مولا مشکل کشائی
صدقہ سکینہؑ دا مولا غازیؑ
کر مومناں دی حاجت روا اے
بابُ الحوائج حیدرؑ دا لعل اے

ہمشکلِ حیدرؑ دوجا علیؑ اے
حیدرؑ دے وانگوں شیرِ جری اے
تو کبریا اے مولاؑ وفا دا
تیں نوں دُعا تے زہراؑ دی خاص اے
بابُ الحوائج حیدرؑ دا لعل اے

جس نوں وی چاویں دے بادشاہی
تیرا علم اے دیوے گواہی
اج وی بلند ہے پرچم اے تیرا
جو پیاسیاں دے غم وچ اُداس اے
بابُ الحوائج حیدرؑ دا لعل اے

جوہر دیاں سُن مولاؑ دعاواں
ہر وقت دیوے ایہو صداواں
کرب و بلا دی دھرتی تے مولاؑ
غمخوار تیرا بابِ قضا اے
بابُ الحوائج حیدرؑ دا لعل اے