Karbala ek Aftaab aur uski tanweeren bohut
Efforts: Syed-Rizwan Rizvi

Karbala ek Aftaab aur uski tanweeren bohut 
Ek kitabae aanghee iski hain taqdeeren bohut 
Karbala, Karbala ek Aftaab .... 

Panjatan ke naqsh seeney mein saja kar rakh liye 
Qasid e taqdeer ne dikhlayee tasweeren bohut 
Karbala, Karbala ek Aftaab .... 

Hain bahattar tan shareek e maqsad e gibrieel azeem 
Ek khalile khwab tha jiski hain tabeeren bohat 
Karbala, Karbala ek Aftaab .... 

Fauq e Akbar ne azan mein bhar diya kuch aur rang 
Yuhn to mahshar tak suni jayengi gi taqdeeren bohat 
Karbala, Karbala ek Aftaab .... 

Nusrat e haq mein tere uqba bani Hurr e Jari 
Haath mal kar rah gayen duniya ki jaagireen bohut 
Karbala, Karbala ek Aftaab .... 

Ruk saka kab rasta Sher e Khuda ke Sher ka 
Rokne ko lakh thi saahil par shamsheeren bohut 
Karbala, Karbala ek Aftaab .... 

Bezabaan Asghar ne patthar dil hila kar rakh diye 
Sun chucke the ashqiya purzor taqreeren bohut 
Karbala, Karbala ek Aftaab .... 

Goshiwareen khaich kar ghudka tamachey bhi lagaye 
Jaise thin us phool si bachchi ki taqdeeren bohut 
Karbala, Karbala ek Aftaab .... 

Bedeiyan pairoon mein aur gardan mein tauq e khaardaar 
Phir bhi pahnayen gaye Aabid ko zanjeeren bohut 
Karbala, Karbala ek Aftaab ....