Raj dulara Zehra ka
Efforts: Syed-Rizwan Rizvi

راج دُلارا زہراؑ کا زخمی ہے اور پیاسا ہے
بوند نہیں ہے پانی کی خون کا دریا بہتا ہے

گیتی اُونچی ہوتی ہے، گرنے نہ دے گی گھوڑے سے
اپنی گود میں لے لے گی جس کی گود کا پالا ہے
راج دُلارا زہراؑ کا۔۔۔۔۔

راہِ خدا میں جلدی کی، آگے جانے والوں نے
صبح کے ساتھی چھُوٹ گئے شام ہوئی اب تنہا ہے
راج دُلارا زہراؑ کا۔۔۔۔۔

اکبرؑ و قاسمؑ کوئی نہیں ، آس بندھے تو کس سے بندھے
دریا چھیننے والا بھی دریا چھین کے سوتا ہے
راج دُلارا زہراؑ کا۔۔۔۔۔

خون کی ندی ایسے بہی، صبح سے لیکر شام تلک
چاند نبیؐ کا ڈوب گیا سورج ڈوبنے والا ہے
راج دُلارا زہراؑ کا۔۔۔۔۔

حلق پہ تیغِ قاتل ہے، جانِ پیعمبرؑ سجدے میں
دونوں عالم سجدے میں کیسا پیارا سجدہ ہے
راج دُلارا زہراؑ کا۔۔۔۔۔

کل جو نبیؐ کے دوش پہ تھا، آج وہ سر ہے نیزے پر
ایک زمانہ ایسا تھا، ایک زمانہ ایسا ہے
راج دُلارا زہراؑ کا۔۔۔۔۔

بجھ گئی شمعِ قبرِ نبیؐ، دشتِ بلا کیا روشن ہے
بئچ میں خیمے جلتے ہیں، چاروں ترف اندھیارا ہے
راج دُلارا زہراؑ کا۔۔۔۔۔

موت یہ تیری کیسی تھی، مرنے والے تیرے لئے
مجلس بستی بستی ہے، ماتم صحرا صحرا ہے
راج دُلارا زہراؑ کا۔۔۔۔۔

Raj dulara Zehra ka zakhmi hai aur pyaasa hai
boondh nahi hai paani ki khoon ka darya behta hai

gayti unchi hoti hai, girnay na degi ghoday say
apni godh may lelegi kiski godh ka paala hai
raj dulaara zehra ka....

raahe khuda may jaldi ki, aagay jaane waalon nay
subha kay saathi choot gaye shaam huyi ab tanha hai
raj dulaara zehra ka....

akbar-o-qasim koi nahi, aas bandhe to kisse bandhe
darya cheen ne waala bhi darya cheen ke sota hai
raj dulaara zehra ka....

khoon ki nadi aisay bahi, subha say lekar shaam talak
chaand nabi ka doob gaya suraj doobnay waala hai
raj dulaara zehra ka....

halq pay taigh-e-khaatil hai, jaan-e-payambar sajde may
dono aalam sajde may kaisa pyaara sajda hai
raj dulaara zehra ka....

kal jo nabi ke dosh pe tha, aaj wo sar hai naize par
ek zamana aisa tha ek zamana aisa hai
raj dulaara zehra ka....

bujh gayi shamm-e-khabr-e-nabi, dasht-e-balaa kya roshan hai
beech may qaimay jaltay hai chaaron taraf andhiyaara hai
raj dulaara zehra ka....

maut ye teri kaisi thi, marne waalay tere liye
majlis basti basti hai maatam sehra sehra hai
raj dulaara zehra ka.