Poonchay sirhanay bhai kay jab shah-e-Karbala
Ghazi nay apni aakhri saanson may di saada
Mola (x2)
Mola maa Ummul Baneen say mat kehna.
Sharminda Sakina, say hu bahot
May paani lekar aa nah saka.
1) Maa nay jo sikhaye bachpan may
Woh yaad hai saab aadaab mujhe
Nazdeek kharay rehna us ja
Shabbir jahan baithay jaakay
Is waqt magaar khadim tera
Taazeem ko teri uth na saka.
2) Haar laash peh girr kay kehte tay
Kya tum hi Ali kay betay ho
Maloom hai kitni mushkil may
Khaimo say yahan tak poonchay ho
Abbas say milnay ki khaatir
Zehmat jo uthayi hai mola.
3) Kis tarha katay baazu meray
Maqtal may bata deyna bayshak
May zeen se zameen par kaisay gira
Amma ko suna deyna beshak
Abbas ke girne se laykin
Zainab ke giri thi saar se rida.
4) Ta charon jaanib bikhra howa
Quran Hassan ka jangal may
Pamaal badan Qasim ka howa
Guzri wo qayamat maqtal may
Abbas ki zauja say pehle
Afsous howi baywa Kubra.
5) Baba say kiya bachon ko juda
Kya zulam yeh dhaya logon nay
Muslim ki laash ko Kufay ki
Galiyon may phiraya logon nay
Abbas ki nazron kay aagay
Ujri thi Ruqayya ki duniya.
6) Ye soch kay ran may roti hai
Baazu say lipat kaar meri wafa
Yeh baat garan guzregi bahot
Amma ki tabiyat paar aaqa
Agaar haath howay paani say meray
Aur aap ka Asghar pyaasa raha.
7) Do bhai bichaar tay thay ran may
Kaisa tha qayamat ka manzar
Abbas mujhe bhayi kehdo
Sarwar nay kaha jab ye rokar
Shabbir ko bhai keh to diya
Lekin thi takallum lab pe sada.
|