Kya likha fatema sughra ne bataya na gaya
Efforts: Syed-Rizwan Rizvi

Haye..
Haaye, haaye

Kya likha Fatema Sughra ne bataya na gaya..(2)
Sheh se khat laasha e akbar pe sunaya na gaya..(2)
Kya likha..

1. Sheh ne chaha to bohot zakhm magar itne the..(2)
   Laasha abbas ka dariya se uthaya na gaya

2. Jab talak aa na gaye saare sharabi tab tak..(2)
   Saniye zahra ko darbaar mein laaya na gaya

3. Dekha sairaab zabihe ko to bole sajjad..(2)
   Mere baba ko to pani bhi pilaya na gaya

4. Haye...
   Ek shabbir ki beti ke siwa duniya mein..(2)
   Haye kisi masooma ko naaqe se giraya na gaya

5. Bheedh is darja thi haste hue logo ki waha..(2)
   Haye sar bhi bazaar mein abid se uthaya na gaya

6. Haaye..
   Baap ka sar jo mila soyi lipat kar aise..(2)
   Maa se bhi baali sakina ko jagaya na gaya

7. Mir sajjad shahe dee'n se ali asghar ka..(2)
   Cchehra jalti hui reti se chupaya na gaya
   Kya likha....