Sharafat ho barahna sar to ghairat khoon roti hai
Efforts: Syed-Rizwan Rizvi

Sharafat ho barahna sar to ghairat khoon roti hay
Jo balon ki banay chadar to ghairat khoon roti hay

Kisi ghayyur ki beti Muslamano ki basti may
Barahna sar phiray dar dar to ghairat khoon roti hay

Muarrikh yeh hi likhti hain watan se door jangal may
Sharifoon ka lutay jo ghar to ghairat khoon roti hay

Jisay Zehra ne pala ho haya ki goad may logo
Wohi mangay agar chadar to ghairat khoon roti hay

Kisi ke khanwaday par ho balwa ghair logon ka
Bicharr jaye agar dukhtar to ghairat khoon roti hay

Kisi Toqeer wali se kaha jaye ke bhai ke
Tu lashay par na matam kar to ghairat khoon roti hay