Malakul moat barray karb se laya sehra
Efforts: Syed-Rizwan Rizvi



Malakul moat barray karb se laya sehra
Moat ne ibn e Hasan ka jo sajaya sehra

Moat ashkon ke piroye gul e faryad kahan
Khoon ki dharon ki larryon ka banaya sehra

Toot kar sehray ki larryan sar e maqtal bikhreen
Khak e Karbal may kalejay se lagaya sehra

So gaye saray barati sar e maqtal ja kar
Ghorron ki tapon ne matti may milaya sehra

Chunti rehti theen sada Farsh se bikhri kalian
Maa ki nazron may kuch is tarha samaya sehra

Baagh e jannat hua tabdeel aza khanay may
Jab farishton ne sar e arsh sunaya sehra

Dulha dulha ki sada aaj bhi aati hay anees
Kaisa aalam ki fizaoon may samaya sehra