Jo qaid ho ke chala karwan e aal e nabi
Efforts: Syed-Rizwan Rizvi

Jo qaid ho ke chala karwan e aal e nabi
Nazar Sakina ki Sajjad e natwan pe parri
Ke tazyanay bhi jis ko laga rahay thi shaqi
Tarrap ke is tarha Shimr e laeen se kehni lagi
Khol de bairryan bhai beemar hay

Soch behr e Khuda ye hay aal e aba (x2)
Yun na durre laga bhai beemar hay
Khol de bairryan bhai beemar hay

Pehlay hi is ko gham kia diye is ko kam
Ab na kar ye sitam bhai beemar hay
Khol de bairryan bhai beemar hay

Kia milay ba tujhe is ko yun maar ke
Ye azziyat na de bhai beemar hay
Khol de bairryan bhai beemar hay

Dekh aey bad guman kar na ye sakhtiyan
De de is ko amaan bhai beemar hay
Khol de bairryan bhai beemar hay

Jism hay khoon se tar ab to kuch rehm kar 
Ye hay raah e safar bhai beemar hay

Khoon rota raha Shabbar e be nawa
Sun ke us ki sada bhai beemar hay
Khol de bairryan bhai beemar hay