Din dhal raha hay pyasi Sakina udas hay
Efforts: Syed-Rizwan Rizvi

Din dhal raha hay pyasi Sakina udas hay
Mashk o alam ki ab bhi yateemo ko aas hay

Dam ghut raha hay loat ke aa jao ab chacha
Asghar ko teen roz se pani nahi mila
Bachay sisak rahay hain kaye din ki pyas hay

Rahwar se Sakina ne ro ro ke ye kaha
Rakhna khayal dasht may baba Hussain ka
Is dasht e Karbala may yehi meri aas hay

Ye raat ye Andhra ye Zehra ki betiyan
Maqtal se ik yateema ki aati hain siskiyan
Kano se khon behta hay chehray pe yas hay

Ye waris e Rasool hay tujh ko khabar nahi
Khanjar se qatl jis ko tu karta hay aey laeen
Dilband e Fatima hay ye haq ki asas hay

Khoonkhar balwa sham e gharibaan bhi aa gaye
Din may tamam shab ye sada goonjti rahi
Baba tumhari ladli beti udas hay

Aao Muhib namaz e mawadat karain ada
Eeman ki daleel hay ye gham Hussain ka
Rota hay jo Hussain pe wo haq shanas hay