Shah kehtey they na tum ashk bahana Zainab
Efforts: Syed-Rizwan Rizvi



Shah kehtey they na tum ashk bahana Zainab
Shikwa e ranj kabhi labb pey na laana Zainab

Yaad rakhna mujhey tum shab ke namaazo mey Behan
Kisii lamhey bhi mujhey bhool na jaana Zainab

Baad merey jo sitam dhaaye sitamgar tum par
Sabr tum fatema zehra ka dikhaana Zainab

Shaam e gurbat mey layee qaimey jalaaye jis damm
Jaltey qaimey se bhateejey ko bachaana Zainab

Shab mey gar yaad karey baali sakina mujhko
Meri bachi ko kalejey se lagaana Zainab

Faateha asgar e beysheer ka dena pehley
Shaam ki raah mey tum paani jo paana Zainab

Raah e koofa mey kahaa fizza ney ro rokey Sohail
Kaisa aaya hai ye gurbat ka zamaana Zainab