Maa kehti thi qurban tumhare Ali Asghar
Efforts: Syed-Rizwan Rizvi



Maa kehti thi qurban tumhare Ali Asghar
Pyaare Ali Asghar Mere Pyaare Ali Asghar

Tum Pyaas Bujhaane Ke Liye Ran Mein Gaye Ho
Darti Hoon Koi Teer Na Maare Ali Asghar

Jab Tum Na Rahe Paas Tou Jeenay Ka Maza Kya
Bolo Mein Jiye Kis Ke Sahare Ali Asghar

Gehwaara Hai Khaali Kaho Ab Kisko Jhulaoon
Tum To Huwe Allah Ko Pyaare Ali Asghar

Tanhai Mein Jaag Hoti Hai Ro Ro Ke Sakina
Kehti Hai Ke Aajao Humare Ali Asghar

Jo Bhi Gaya Maidaan Mein Wo Wapas Nahi Aaya
Maa Laal Kise Kehke Pukaare Ali Asghar

Abbas e Jari Bhool Gaye Pyaas Khud Apni
Yaad Aaye Jo Dariya Ke Kinaare Ali Asghar

Be Aasra Zahid Ko Na Samjhe Ye Zamana
Zahid Ke Hai Masoom Sahare Ali Asghar