Batool zadi teray pursa dar aaye hain
Efforts: Syed-Rizwan Rizvi

Batool zadi teray pursa dar aaye hain
Ye chand ashkon ka tohfa bhi sath laye hain

Tu baad qatl e Hussain Shaam aa gayi bibi
Bacha na bhai na sar pe rida rahi bibi

Na janay kaise bhatakti phiri bazaron may
Ridayain mangti ho gi kharri hazaron may

Sina ki noak pe Abbas dekhtay hoon gay
To khoon Abid e beemar ro rahay hon gay

Rubab o Laila ke hathon may rasiyaan hongi
Yateem bali Sakina ki siskiyan hon gi

Baghair Aon o Muhammad tu jab chali ho gi
To apnay beton ki lashon ko dhoondti ho gi

Baazar e Shaam may khutbay jo hain parrhay tu ne
Na janay jaan pe kia kia sitam sahay tu ne

Janab e Fizza tumhe jab dilasay deti thi
Na maro - na maro Zehra ki beti hay ro ro kehti thi

Gira Rubab ke sar pe jo aa ke ik pathar
To yaad aa gaye hoon gay tumhe Ali Akbar

Tumhe to dekh ke suraj bhi sharm khata tha
Tu sehm jati thi baba jo ghar may aata tha

Kisi ne socha na tu Fatima ki jayi hay
Janab e Hazrat e Abbas tera bhai hay

Tumharay lutnay se Islam bach gaya bibi
Khuda Rasool ka haey nam bach gaya bibi

Ham ghariboon ka ye pursa qabool kar bibi
Aur apnay karm ka sab par nazool kar bibi

Ye sansain chalti hain Akhtar bhi dar pe hazir hay
Jo mar gaya to ye apna salam e aakhir hay

Salam kar ke sab apnay des jayain gay
Rahay jo zinda to phir aglay saal aayain gay