Kia dhoondh rahi hay jangal may Sakina
Efforts: Syed-Rizwan Rizvi

Kia dhoondh rahi hay jangal may Sakina
Abbas ke bazoo ya baba ka seena

Kano se chinay gohar aur aag thi daman may
Ghabrayi hui bachi kehti hi rahi ran may
Hay koi jo mujh ko pohncha de Madina

Kehti thay ke Asghar ko le aao meray baba
Soona nazar aata hay bhai ka meray jhoola
Asghar ke baghair ab mujh ko nahi jeena

Zad pe hay mazalim ke ye phool se masooma
Maqtal se kahan jaye Shabbir ke mazlooma
Wo durron ka khana wo ashk ka peena

Mushkil may ghiri haey aulad e Nabi kaisi
Is dasht e museebat may hay tashna labi kaisi
Aaya nahi ab tak saqqa e Sakina

Wo waqt judai wo halat ki majboori
Sarwar se Sakina ke ab tak na miti doori
Maqtal may angoothi hay zindaan may nagina

Masroof e ibadat ho tum shaam o sahar Meesam
Kehtay hain yehi ro ke din raat Zafar Meesam
Hay nazar e Sakina ashkon ka khazeena