Roti hai alam sine se liptaae Sakina
Efforts: Syed-Rizwan Rizvi

Roti hai alam sine se liptaae sakina
Haae Sakina (4)
Zindaan se pehle hi naa marjaae sakina
Roti hai alam sine se liptaae sakina (2)

1) Behte huwe ashkon mei alamdaar ka gham hai,
wo tashnalabi hai ke rakha hoton pe dam hai,
darya se bhi aati hai sada, haae sakina
Haae Sakina (2)
Zindaan se pehle hi naa marjaae sakina

2) Roro ke yehi kehti hai amma se phuphi se,
is aalam-e-ghurbat mei koi kya karey jee ke,
lo amma dua jaa(n) se ghuzar jaae sakina
Haae Sakina (2)
Zindaan se pehle hi naa marjaae sakina

3) Rukhsaaron pe aajaata hai khun kaano se behkar,
khaamosh hai majbur hai har zulm ko seh kar,
rudaade alam ab kise batlaae sakina
Haae Sakina (2)
Zindaan se pehle hi naa marjaae sakina

4) Sina shahe waala ka na aagosh chacha ki,
palte na chacha nehr se roti rahi bachi,
maqtal mei andhera hai kidhar jaae sakina
Haae Sakina (2)
Zindaan se pehle hi naa marjaae sakina

5) Akber ko sada di kabhi qaasim ko pukaara,
had hogayi cheh maah ka asghar bhi sidhaara,
hai dar pe khari haaton ko phailaae sakina
Haae Sakina (2)
Zindaan se pehle hi naa marjaae sakina




6) Baandha gaya rassi mei gala khaae tamache,
shaano se kalam dekhe hai baazu bhi chacha ke,
batlaao koi kaise sukuun paae sakina
Haae Sakina (2)
Zindaan se pehle hi naa marjaae sakina

7) Rehan rihaai ki tamanna mei wo bachi,
soti nathi ik roz magar kis tarha soyi,
maa kehti rahi haae utho haae sakina
Haae Sakina (2)
Zindaan se pehle hi naa marjaae sakina

Roti hai alam sine se liptaae sakina x2