Aag seenay may lagata raha behta pani
Efforts: Syed-Rizwan Rizvi

Aag seenay may lagata raha behta pani (x2)
Baad e ashoor aseeron ne jo dekha pani

Jab alamdar ke bazo ko qalam dekh liya
Phir aseeron ne kisi se bhi na manga pani

Aik hasrat se wo darya ki taraf dekhti hay
Bachay aa ke jo kehtay hain Sakina pani

Wada Asghar se nibhatay huay dam toarr gaye
Saey may aayin na maa ne piya thanda pani

Turbat e sani e Zehra ki mujawar ban kar
Raahgeeron ko pilati rahi Fizza pani

Kash Saqlain meray khawab ko tabeer milay
Martay dam meray galay se nahi utra pani