Rahe ga sada hussan
Efforts: Syed-Rizwan Rizvi

Yaa hussain.....

Imam hussain x4

Mit jaaega jahaan yeh baaki na kuch na rahega (x2)
Har ek payamber se Allah yeh kahega,
Na mitt saka mitega na meri baqa Hussain (x2)
Rahega ab sada Hussain ...........Hussain (x2)

Naujawaan Naujawaan Haye Naujawaan
Karbala Akbar mera hai Naujawaan,

Beta Hussain ka tha shakl-e-Mustafa Akbar,
Tauheed pe hai vaar diya apna woh pisar,
Akbar ke baad jhuk gayi shabbir ki qamar,
Gham ka asar hua ke khatm hogyi nazar,
Bete ke seene se nikaali jo sina Hussain (x2)

Teeron ke saayebaan mei shukre Khuda karu,
Chheh maah ka Asghar bhi jo deen pe fida karu,
Zakhmon se chhoor choor lahoo mei bhi hoke tann,
Karbobala ki khaak pe sajda ataa karun
Yeh hausla toh bas hai Fatima ke laal ka,
Hussain ban gaya jawab har sawal ka,

Naize pe tadapta raha karta raha safar,
Zainab ke sar se jab chhini tatheer ki chadar,
Sajjad khoon rota raha tauq pehenkar,
Ummat ne risaalat ko diya khoob yeh ajar,
Noke sinaa pe kaun hai kaari siwa Hussain (x2)

Shaheed-e-Karbala Hussain
Imam hussain, Imam hussain (x2)

Tujhko bacha gaya Hussain deke apna sar,
Abbas ke baazu diye, Akbar ka bhi jigar,
Haathon pe leke aagaya Asghar sare maqtal,
Islam ke liye luta diya hai apna ghar,
Har daur mein baatil ki bana hai qaza Hussain (x2)

Zulmo ki ho rahi hai inteha Hussainiyon
Phir se yeh gham hai shaam mein barpa Hussainiyon,
Bechain madine mein Fatima Hussainiyon,
Marqad mein ro raha hai Mustafa Hussainiyon,
Ab waqt aagaya hai ke aaye Imam-e-Mehdi,
Baatil ka mitay daur..... chale nizaame Mehdi,

Majboor hai Hussain aaj bhi teri behen,
mismaar kar rahe hai roza shaami besukhan,
Din raat qayamat ka samaa shaam mein jo hai,
Zainab qabar mein ro rahi hai shaam be watan,
Iss daur-e-Yazeedi mein Mehdi banke aa Hussain (x2)

Rahega ab sada Hussain ...........Hussain (x2)
Mit jaaega jahaan yeh baaki na kuch na rahega,
Har ek payamber se Allah yeh kahega,
Na mitt saka mitega na meri baqa Hussain (x2)
Rahega ab sada hussain ...........Hussain (x2)
Shaheed-e-Karbala Hussain