Lash e Qasim pe kahan maa ne ye ro kar aey meray Qasim
Efforts: Syed-Rizwan Rizvi



Aey meray Qasim
Lash e Qasim pe kaha Maa ne ye ro kar
Aey meray Qasim

Ho gaye pamal tum lut gayi madar
Aey meray Qasim

Chand sa chehra tera wo bharay bazo teray
Jism tera nazneen wo siyah geso teray
Yaad aayain gay mujhe ab to reh reh kar
Aey meray Qasim

Ba adab Qasim chalay mangnay ran ki raza
Shah bolay kis tarha kar doon may tum ko juda
Tujh may dikhti hay mujhe soorat e Shabbar
Aey meray Qasim

Mil gaya khat baap ka mil gaya Qasim ko chain
Bhai ki tehreer par khoob roye thay Hussain
Haq pe kar dena fida ran may apna sar
Aey meray Qasim

Jang may kar to diye Sheh ne Qasim ko wida
Dil karra kar kephir fee amanillah kaha
Dil pe qaboo na raha kia karay Sarwar
Aey meray Qasim

Jang kamsin ki kaheen aisi to dekhi nahi
Shaam ki deewar tak phat gayi foaj e shaqi
Hamla e Qasim may tha hamla e Haider
Aey meray Qasim

Itnay may aayi sada aap par aaqa salam
Al madad Mola meray aey zamanay ke Imam
Chal diye behr e madad Shah ye keh kar
Aey meray Qasim

Is qadar pamaal thay maa ne pehchana nahi
Jab talak Shabbir thay itna batlaya nahi
Dekho ye hay aap ka Qasim e muztar
Aey meray Qasim

Umm e Farwa ne kiye laash e Qasim ke tawaf
Ro ke kehti hay tujhe doodh karti hoon moaaf
Ho gayeen maa surkharoo ab sar e mehshar
Aey meray Qasim

Pal may sooni ho gayi mang sandal se bhari
Lut gayi khushyan meri reh gayi noha gari
Toar kar chooriyan dulhan kehti hay ro kar
Aey meray Qasim

Dhoondye milti nahi aur Kubra si dulhan
Beriyan payal bani aur kangna hay rasan
Jis ka dulha be kafa kud hay be chadar
Aey meray Qasim