Maray gaye Shabbir fiza may ye sada hay
Efforts: Syed-Rizwan Rizvi



Maray gaye Shabbir fiza may ye sada hay
Zainab tera pardes may koyi na raha hay

Maa kehti thi may aa ke mana loon tumhe Asghar
Ik baar pukaro mera dil doob raha hay

Afsos ke ye qatil e Akbar ne na jana
Naiza to Muhammad ke kalejay pe laga hay

Hamsheer se milnay ko bohat tarrpa hay Akbar
Atki hui sanson may bhi Sughra ki sada hay

Fizza ne soey nehr ye Ghazi ko sada di
Abbas utho khatray may Zainab ki rida hay

Kal pehray pe Abbas thay aur aaj hay Zainab
Aey sham e gharibaan ye ajab tarz e jafa hay

Kon aa ke Sakina ko tamachon se bachaye
Bhai Ali Akbar hay na Abbas chacha hay

Islam bachanay ko Asar dasht e sitam may
Ashoor ke din khoon bahattar ka baha hay