Haaye mara gaya kull-e-Imaan hay
Efforts: Syed-Rizwan Rizvi



Haaye mara gaya kull-e-Imaan hay
Qatl-e-Haider nahi qatle Quraan hay

1) Kar rhi hai namaazein bhi aaho buqa
Khud tadap kar lahoo sajda rone laga
Aaj nauha kuna roohe aazaan hai

2) Yeh malaaek ki nauha bayaani suno
Farsh walon se gham ki kahani suno
Arsh se ho raha kaisa elaan hai

3) Beh raha hai jo mehraab-o-mimbar se khoon
Sar patak kar namaazi tadapte hai yun
Mar hi jaaenge kuch aisa imkaan hai

4) Roke Shabbir-o-Shabbar(a.s) ne nauha kiya
Haaye Kulsum-o-Zainab(s.a.) ko ghash aagaya
Aaj ruksat hua Ibne Imran(a.s) hai

5) Jo yateemo ke gham ka madaawa bana
Uske bachhon ko hi bepadar kar diya
Kya yeh ehsaan ka badla ehsaan hai

6) Aye shaki yeh sitam tune kaisa kiya
Ruswa kis darja islam ko kar diya
Ibne muljim(laeen) tu kaisa musalmaan hai

7) Uske purse ka haq hoga kaise adaa
Jisne tauheed se humko waakif kiya
Jiske ghr se mili haq ko pehchaan

8) Kaise SALMAN mera qalam likh sake
Zulm aisa hai patthar bhi rone lage
Roye na phir woh kyun jo ke insaan hai