Madh e Haider kartay hain ahle e jafa ke samnay
Efforts: Syed-Rizwan Rizvi

Madh e Haider kartay hain ahle e jafa ke samnay
Ham charagh apnay jalatay hain hawa ke samnay

Ya Ali ham ne kaha aur mushkilain sab tal gayeen
Mushkilain thairain gi kiay mushkil kusha ke samnay

Koi dunya may nahi hay misl e Shah e La fata
Aazmana hay to dekhay koi aa ke samnay

Chorr kar nafs e Khuda ko hain talabgar e riza
Janay ke kis munh se aatay hain Khuda ke samnay

Sab ilaj de jism hay aur ye dawa e rooh hay
Sab dawain gard hain khak e shifa ke samnay

Wo hay sajdon ki jaghay aur ye hay sajdon ki ameen
Kaabay ko ham kaise layain Karbala ke samnay

Khoon e Asghar mal ke chahray par huay jaise Hussain
Surkharoo kia ho ga koyi yun Khuda ke samnay