Ya Zehra maadar jaan
Efforts: Syed-Rizwan Rizvi



Ya Zahra maadar jaan

Bizate qalbe nabi umme Abiha Zahra
Tere baba ne tujhe rutba diya maa jaisa
Jab utha shab ki siyahi me janaza tera
Qabre sarkare do aalam se yeh aati thi sada

Yeh sada dete hai khud haath ke chhale tere
Tune hasnain ko paala hai badi mehnat se
Zeher Shabbar ko mila yu mila mehnat ka sila
Khoon ugalte hue kehte the jigar ke tukde

Phir woh din aaya ke Sarwar ne Madina chorra
Teri turbat hui viran basi karbobala
Roze aashur azaane ali akbar sunkar
Ghar ki dehliz pa baith hui sugra ne kaha

Ho gaya jang ka aagaaz sare karbobala
Sabse pehle maidaan me gaya hur ka beta
Bhai maara gaya fir hurbhi gaya sue jina
Zakhm pe shah ne rumaal jo bandha toh kaha

Us taraf zainabe dilgeer yeh karti thi dua
Mere farzand ho pyaase mere bhai pe fida
Pur asar saaniye zahra ki dua hoke rahi
Laash baccho ki jo dekhi toh yeh roke kaha

Loat kar aaya na sakkaae haram darya se
Ho gae haath qalam teer kaleje me lage
Ho gaya thanda alam sheh ki kamar toot gayi
Torr kar kooza Sakina ne kaha rote hue

Ek kohram bapa khaimae sarwar me hua
Ghar se atthara baras wala jo maqtal o chala
Barchi akbar ke kaleje se jo sheh ne khaichi
Haath seene pe rakha aur yeh akbar ne kaha

Door bano se hua haaye woh nanha bacha
Loriya deti hai besheer ko ab khaake shifa
Cheh mahine ke mujahid pe kayamat guzri
Teer khakar ali asgar ke tabassum ne kaha

Sheh ne rehan rakha sajdae maabood me sar
Shimr ka chalne laga sukhe gale par khanjar
Yaad aane lagi maa aalame tanhayi me
Rukh baqiyya ki taraf karke pukare sarwar