Haey zindane Shaam
Efforts: Syed-Rizwan Rizvi

میری تو آس میرے سینے میں مر جاتی ہے
دیکھیں اِس قید سے کب ملتی ہے رُخصت امّاں
ہائے زندانِ شام

بے کسی کیسی ہے یہ کیسی ہے غربت امّاں
کیا بنے گی اسی زندان میں تُربت امّاں
کہنا بابا سے خدا حافظ و ناصر بابا
لو کہ اب ہو تی ہوں زندان سے رُخصت امّاں
ہائے زندانِ شام

اب تو دن میں بھی اُجالوں سے ملاقات نہیں
جو تڑپ کر نہ گزاری ہو کوئی رات نہیں
کیا کروں جی کے چچا میرے میرے پاس نہیں
دو دُعا ختم ہو اب جلد مصیبت امّاں
ہائے زندانِ شام

اب سرِ شام پرندوں پہ نظر جاتی ہے
ایسی مخلوق ہے اُڑتے ہوئے گھر جاتی ہے
میری تو آس میرے سینے میں مر جاتی ہے
دیکھیں اِس قید سے کب ملتی ہے رُخصت اماّں
ہائے زندانِ شام

تم انہی کپڑوں کو اے امّاں بنا دینا کفن
ہو نہیں سکتے یہ تبدیل کہ زخمی ہے بدن
بابا آجائیں تو کہہ دینا اُنہیں میرا سُخن
اپنے بابا کی نہ کر پائی میں خدمت امّاں
ہائے زندانِ شام

میرے بابا کا وہ سینہ میری امّاں لا دو
جو تھا جینے کا قرینہ میری امّاں لا دو
جو تھا آرامِ سکینہ میری امّاں لا دو
اس سے پہلے کہ ہو اب موت سے قربت امّاں
ہائے زندانِ شام

ہو سکے تو علی اصغر کا وہ جھولا لا دو
امّاں بھیا کا میرے مجھ کو شلوکا لا دو
وہ جو تعویز تھا منّت کا خدارا لا دو
مجھ کو پھر مرنے میں ہووے گی نہ دِقّت امّاں
ہائے زندانِ شام

ٹھہر جائو کہ خدا حافظ و ناصر امّاں
ساتھ دیتی نہیں اب بالی سکینہ کی زباں
کہہ دو ظالم سے کہ اب ختم ہوئی آہ و فغاں
آہ کرنے کی بھی باقی نہیں طاقت امّاں
ہائے زندانِ شام

لب سرور پہ جو ریحان کا نوحہ آیا
شام کے زنداں سے آنے لگی آوازِ بکا
جیسے بچی کا کوئی زخم ہوا پھر تازہ
بولی کیوں اہلِ عزاء کرتے ہیں رِقّت امّاں
ہائے زندانِ شام

Meri to aas mere seene may marjati hai
Dekhain is qaid se kab milti hai rukhsat amma
Haey zindane Shaam

Bekasi kaisi hai ye kaisi hai ghurbat amma
Kiya banegi isi zindan may turbat amma
Kehna baba se khudahafizo nasir baba
Lo ke ab hoti hoo zindan se ruksat amma
Haey zindane Shaam

Ab to din may bhi ujaalo se mulaaqat nahi
Jo tadapkar na guzaari ho koi raat nahi
Kya karoo jeekar chacha mere mere paas nahi
Do dua khatm ho ab jald musibat amma
Haey zindane Shaam

Ab sare shaam parindo pe nazar jaati hai
Aisi maqlooq hai udte hue ghar jaati hai
Meri to aas mere seene may mar jaati hai
Dekhe is qaid se kab milti hai ruksat amma
Haey zindane Shaam

Tum inhi kapdo ko ay amma bana dena kafan
Ho nahi sakte ye tabdeel ke zakhmi hai kafan
Baba aajaye to kehdena unhe mera sukhan
Apne baba ki na kar paayi mai kidmat amma
Haey zindane Shaam

Mere baba ka wo seena meri amma laa do
Jo tha jeene ka kareena meri amma laa do
Jo tha aaramay sakeena meri amma laa do
Isse pehle se ho ab maut se khurbat amma
Haey zindane Shaam

Ho sake to ali asghar ka wo jhoola laa do
Amma bhaiya ka mere mujhko shalooka laa do
Wo jo taveez tha mannat ka khudaara laa do
Mujhko phir marne may hovegi na diqqat amma
Haey zindane Shaam

Thehar jao ke khudahafizo nasir amma
Sath deti nahi ab bali Sakina ki zubaan
Kehdo zaalim se ke ab qatm hui aaho fughaan
Aah karne ki bhi baakhi nahi taaqat amma
Haey zindane Shaam

Labe sarwar ke jo rehaan ka nowha aaya
Shaam ke zindan se aane lagi awaaze buka
Jaise bachi ka koi zakhm hua phir taaza
Boli kyon ahle aza karte hai riqqat amma
Haey zindane Shaam