Maa aur Ali Akbar ki maa
Efforts: Syed-Rizwan Rizvi

Jab Ali Akbar sa beta, shah ko Rab ne diya
Is ataaye Kibriya par, Karbala ne di sadaa
Maa aur Ali Akbar ki maa (x2)

1. Uska matha chumti thi Umm Layla bar bar,
   Uska chehra dekh kar kehti thi aey parwardigar,
   Ye bahare zindagi hai, ye mere ghar ki bahaa,
   Ye meri pehli tamanna, ye mere dil ka qaraar.
   Maa aur Ali Akbar ki maa (x2)

2. Kaali dori bandti nanhi kalaai me kabhi,
   Nanhe sine par kabhi karti thi dam Naad e Ali,
   Kehti thi murjhaye na Maula mere dil ki kali,
   Ye dil e Shabbir hai, hai ye hamari zindagi
   Maa aur Ali Akbar ki maa (x2)

3. Ghutniyo chalne laga jis waqt unka sheer khwaar,
   Saaf karti apne anchal se wo uski reh guzar,
   Ah khuda na khaasta chil jaye na bache ki khaal,
   Chalte chalte jab wo thak-ta pusht pe karti sawaar
   Maa aur Ali Akbar ki maa (x2)

4. Khayr se jab umr bhar kar uska is qabil huwi,
   Jis me gehware ki khawahish ho na maa ki goad ki,
   Bachpana rukhsat talab ho aur shabab aamad ghari,
   Jab jawani aa rahi ho aur masa ho bhigti
   Maa aur Ali Akbar ki maa (x2)

5. Sab qanoon ne harb sikhlate the Abbas e jari,
   Sehn me kursi bicha kar maa bhi aksar dekhti,
   Mashq ke doran ek din yuhi nezay ki ani,
   Chu gayi sine se Layla par ghashi taari huwi
   Maa aur Ali Akbar ki maa (x2)

6. Kya khabar thi Umme Layla ke wo din bhi aaye ga,
   Bayah ka arman dil ka dil me hi reh jaye ga,
   Laashe Qasim ki tarha tukrron me dil kat jaye ga,
   Naujawaan ki laash par sehra sajaaya jaye ga
   Maa aur Ali Akbar ki maa (x2)

7. Umme Layla dil sambalo arsh se aayi sadaa,
   Barchiyo ki simt jaata hai tumhara meh laqaa,
   Ye karo rukhsat ke jaise ho samaa baraat ka,
   Khak me miljayengi nanha shabihe Mustafa
   Maa aur Ali Akbar ki maa (x2)