May day rahi hun tujhay dasht may sada Ghazi
Efforts: Syed-Rizwan Rizvi



May day rahi hun tujhay dasht may sada Ghazi
Teri Behan Ka Nahi Koi aasra Ghazi

Jalaye Khaiamay sitamgar ne cheen li chadar
Hamaray haal pe roti hay Karbala Ghazi

1) Bas aik din main bahattar janazay dekhay hain
Khud apni aankhon say pamaal lashay dekhain hain
Ujarr gayi hun main karbo bala ke jangle may
Baray Gham aaj yahaan aa ke may ne dekhain hain
Huvi hay shaam-e-gharibaan nahi koi waaris
Tu aa ke rok layeenon ki ab jafa Ghazi

2) Abhi bulati hun baba ko may sada day ker
May be rida hun urrha do koi mujhay chadar
Koi bhi haal pe meray taras nahi khata
Aa meray ghaazi tu aa ker yeh deekh lay manzar
Jalay khaiyaam nabi zaadiyan hain noha ghar
Tujhay bulaati hain naamos e Mustafa Ghazi

3) Dayaar-e-Ghair hay charon taraf udaasi hay
Siyah raat hay tanha Rasool zaadi hay
Main jab bhi soch ke roti hun apni ghurbat par
Meri ghareebi pe karbo bala bhi roti hay
Madina chorr ke aayee teray saharay par
Bulaoon kis ko sada doon kisay bata Ghazi

4) Huwi jo sham-e-gharibaan to raat roti hay
Hamari pyaas pe nehr e furaat roti hay
Main sochti hun yateemon ko kiya dilasa dun
Sakina sun ke meri dil ki baat roti hay
Meray jaree meray ghayoor bawafa Ghazi
Teri behan hai sar e dasht be rida Ghazi

5) Tarrapti reh gayi Ghazi ki laash sahil per
Yeh bain Zainab e muztar nay jab kiyay Safdar
Tujhay qasam hay tu aa jaa meri madad kai liye
Meri rida ke muhaafiz huwi main be chadar
Lahu rulaye mujhay be rida ka sadma hay
Parri hai sar pe meray khaak-e-Karbala Ghazi