Efforts: Syed-Rizwan Rizvi
Teri laash ko may Asghar dafnaoon ab kahaan
Dhondhain gay tujh ko naizay charon taraf yahan
Jhoolay may ho raha hay kyun beqarar dekho
Karwat badal raha hay kyun baar baar dekho
Jab se suni hay is ne (x2) Akbar teri azaan
Tera mazaar beta hathon se may sajata (x2)
Afsoos meray Asghar majboor tera baba
Khuda hi mita raha hay (x2) teri qabr ka nishaan
Manzar ye dekhtay hi arsh e bareen hila hay
Ghutno ke bal hay baitha chehray pe khoon mala hay
Sabir Hussain jaisa (x2) leta hay siskiyan
Nazuk galay pe wazni jo teer seh gaya hay
Rota nahi hay bas ye ghayyur sochta hay
Khaimo se cheekh sun ke (x2) kaheen aa na jaye maa
Foaj e sitam ne dekhi taseer e khoon e Haider
Dushman ko dekhtay hain Asghar yun sar utha kar
Lab pe hay muskurahat (x2) chehray pe itminaan
Saqlain jab bhi hoon gay zaahir Imam e Aakhir
Rutba milay ga aala sab hoon gay un ke nokar
Asghar ke matmi aur (x2) Asghar ke noha khawan