زینب یہ بیاں کرتی باحالِ پریشاں
اے شامِ غریباں
بھائی میرا مارا گیا سر ہو گیا عُریاں
اے شامِ غریباں
عباس کہاں ہو میرا احوال تو دیکھو
بچوں کی خبر لو
کیوں رہ گئے دریا کی ترائی میں میری جاں
اے شامِ غریباں
مقتل تو سدھارے تھے عجب شان سے بیٹا
مادر کو ہے شکوہ
مجھ کوکھ جلی کو تھا تیرے بیاہ کا ارماں
اے شامِ غریباں
اٹھارہ بنی فاطمہ میں اب نہیں کوئی
خالق کی دوہائی
بے چین کہوں جا جائے حُر آئے ہیں مہماں
اے شامِ غریباں
جھولے کے قریب آ کے کہا بانوئے شہہ نے
کچھ تُو ہی بتا دے
شش ماہ میرا کونسے بدل میں ہے تنہا
اے شامِ غریباں
دن رات تڑپتا ہے ظفر دل کو سنبھالے
کس طرح نکالے
قبرِ شاہِ بے کس کی زیارت کا ہے ارمان
اے شامِ غریباں