Behan yeh Ghazi ki ro ro kai bain kerti hay
Chalai bhi aao kai ab shaam honai wali hay
Khabar to lai koi Abbas kyun nahi aayai
Rasool-e-Zadi ki ran main yehi duhai hay
Hai muntazir dar-e-Khaima pai tasna lab bachai
Tumharai aanai ki aai bahi aas baaqi hay
Madad ko a kai na chin jayain chadarain sar sai
Sipha-e-Shaam hamain lootnai ko aati hay
Huwi thi zamin-e-perda yeh soch ker Zainab
Ali ki beti hun aur grhazi mera bahi hay
Ab aa bhi jao kai ghutnai laga hai dam mera
Khayam jal gaia bahi phir wohi udasi hay
Andhera cha gaiya Abbas tum nahi aayai
Sakina khak pai ab sar jhukayai bethi hay
Teri Sakina kai rukhsar ho gayai neelai
Tamachai khati hai jab phir tujhai bulati hay |