Asghar ye teer kaise khinchay ga Hussain se
Dekha na jaye ga tera chehra Hussain se
Baba ke pass aur sahara nahi koi
Sab chal basay hain baqi hamara nahi koi
Is waqt may bicharrtay ho beta Hussain se
Allah re ghareebi ye ibn e Ameer ki
Ham se tumhari aakhri khidmat na ho sahi
Badla gaya na khoon bhara kurta Hussain se
Karryal jawan ke seenay se barchi nikaal li
Teray galay se teer nikalon ga may abhi
Kia kaam sakht leta hay tanha Hussain se
May chup rahoon ya qabr pe Bano ko bhaij doon
Aey meray be zubaan bata-o may kia karoon
Madar jo poochay haal tumhara Hussain se
May hath khaali jaoon ga kis tarha meray laal
Kia doon ga may jawab karay gi wo jab sawal
Mangay gi apna bhai Sakina Hussain se
Sheh ne nikala teer to mehshar bapa hua
Maqtal may har shaheed Takallum laraz gaya
Rukhsat hua Hussain ka beta Hussain se
|