Ana ibne Zehra
Efforts: Syed-Rizwan Rizvi

Imam parda e ghaibat se de rahe hai sada
Ana ibne Zahra
Nazar may rehti hai har waqt mere karbobala
Ana ibne Zahra

May pardaye ghaibat se sama dekh raha hoo
Sajjad ke qaimo ka dhuan dekh raha hoo

Zainab chali jis aag may abid ko bachane
Us aag may pairon ke nishan dekh raha hoo
May pardaye ghaibat...

Jis sar pe saja karti thi dastaar e mohamed
Us sar ko sar e nauke sina dekh raha hoo
May pardaye ghaibat...

Bas teer hai chalne ab asghar ke galay par
Zaalim ki may khamra kamaan dekh raha hoo
May pardaye ghaibat...

Jis rukh ke liye karte thay bosay shahe wala
Us rukh pe tamachon ke nishan dekh raha hoo
May pardaye ghaibat...

Maqtal may kahan saaniye zehra ki rida hai
Abbas ke baazu hai kahan dekh raha hoo
May pardaye ghaibat...

Aaye na watan laut ke phir aun o mohamed
Ujrra hua zainab ka makaan dekh raha hoo
May pardaye ghaibat...

Maa baap behan bhai phuphi aur aizza
Ek teer may kitno ki may jaan dekh raha hoo
May pardaye ghaibat...

Gohar hai jahan dafn saqeefa ki shaheeda
Us qabr ko be-naam-o-nishan deekh raha hoo
May pardaye ghaibat...