May Khak e Karbala hoon rutba mera juda hay
Efforts: Ali Imran

May Khak-e-Karbala hun rutba mera juda hay 
Bint-e-Ali nay mujh ko chadar bana liya hay 

1) Mera naseeb aisai kudrat nai hai jagaya 
   Khatoon kai pisar ki hai mehraban banaya 
   Mera muala hona Shabbir ki ata hay 

2) Akber jawan Qasim Ghazi sai chand tarai 
   Zain-ul-Aba nai meri Aghosh main utari 
   Yani lahu nabi ka mujh main mila huwa hay 

3) Zehra ki baitiyon kai burkhai banai mainai 
   Eeman kai mohsino kai lashai chupai mainai 
   Misl-e-Janab-e-Ghazi meri zaat bawafa hay 

4) Shohada-e-Basafa kai jismon ko mainai chuma 
   Zehra ki baitiyon kai qadmon ko mianai chuma 
   Is wastai hi meri taseer main shifa hay 

5) Kertai hain rashk muj per kauthar kai bhi kinarai 
   Zainab kai sar main mainai do saal hain guzarai 
   Mera her aik zara her zulm ka gawah hay 

6) Kaisai piyun batao main Al-Qama ka pani 
   Piyassi luti hai muj per Qasim ki nojawani 
   Muj per sagheer Asgher piyasa qatal huwa hay 

7) Tauqir tu bhi ker lai aalai Aba ka matam 
   Jo shaam main gayi thi us bai rida ka matam 
   Mamnun matami ki makhduma Fatima hay