Bicha ke farsh e aza Fatima ko yaad karo
Efforts: Rehan Rizvi

BICHA KE FARSHE AZA, FATEMA KO YAAD KARO
Alam sajaawo kisi be rida ko yaad karo (2)

SIYAH KAPDE BADAN PAR HO SIRF IS GHAM MEIN, (2)
Ruke na ankh se ansoo kabhi muharram mein, (2)
Libaas-se Hazrate Zainul-e-ba ko yaad karo

KABHI SABIL SE PANI PIYO TO YE KEHKAR, (2)
Mai teri pyaas pe kurban husain ki dukhtar, (2)
Kabhi sakina kabhi ba wafaa ko yaad karo

GALE MEIN SHALE-AZA AUR HAATH SINOO PAR, (2)
Alam uta ke chalo yun dahkte sholo par, (2)
Jo bekasoo pe huwi us jafaa ko yaad karo

JHULA JHULA-O KISI BE ZABAAN KA JAB BHI, (2)
To yaad karna zara bekasi wo banu ki, (2)
Kabhi Rubab ki aaho buka ko yaad karo

GHAME HUSAIN MILA HAI TUMHE MUKADAR SE, (2)
Sadaa Husain kay matam ki aaye ghar ghar se, (2)
Husain Husain karo Karbala ko yaad karo

WO JIS-NE DEEN KE KHATIR LUTA DIYA GHAR KO, (2)
Khuda ki raah me jis-ne kataa diya sar ko, (2)
Pado namaaz to us bay khataa ko yaad karo

ALAM JO HAZRATE ABBAS KA UTA-THE HAI, (2)
Dile batul se lakho duwae paate hai,
Alam ke saye mein awo duwa ko yaad karo

KABHI YE SHOCH KE TUM DEKHNA PHARE-RE KO, (2)
Yahi to Zainab-E-Muztar ki aas thi logoo,
Alam ko dekho to us berida ko yaad karo

BAHEN KE SAMNE DOOLA BANE KOI BHAAYI, (2)
Jo apne bhayi ka sehra na dekhne paayi
Usi gharib behen ki sadaa ko yaad karo

KHUDA NA KHASTA KISMAT YE DIN JO DIKHLAYE, (2)
Kisi jawan ko jawani mein maut ajaaye,
To hum shabihe Nabi ki kazaa ko yaad kare