Aseer ya imam aseer ya imam
Efforts: Asghar Ali

Aseer ya imam aseer ya imam

Karbobala se kufa,kufe se taaba shaam bimar per jafa hai
Abid ke dil se pucho hai dard e na tamam har bibi berida hai

Hatho me hathkadi hai pairon me bediya hai
Shehzadiyan jina ki balwe me be ama hai
Nazre jhukae apni chalta raha imam har pal nayi jafa hai

Karbobala se nikle jis dum aseer hokar
Maqtal ki simt dekha aankho se khiin rokar
Be gor o bekafan thi laash e shahe anaam ye gham ki ibteda hai

Beemaar o natawan hai phir bhi nahi hai shikwa
Itne kiye hai sajde qaba hai sara sehra
Malik gawah rehna lab per hai tera naam tera hi tazkera hai

Ye kaisa imtehan hai faryaad haye haye
Ghairat se sar jhukaye kaise qadam badhaye
Nazro ke saamne hai logo ka iztemaam bazar aa gaya hai

Qaidi ki dastarazme hai qainaat saari
Bekas ghareeb bhi hai aur faiz bhi hai jaari
Sehra ki tashnagi ko apne lahu ka jaam dekar hi jaa raha hai

Ye kaunsi hai manzil kaisa maqaam aaya
Pote ka sabr dekho akar najaf se maula
Hotho se zalimo ke saidaniyo ke naam wo kaise sunn raha hai

Dil per Faseel usne khaye hai zakhm itne
Rehte hai yaad hardum manzar laju me dube
Abid ne haye harpal ashshham haye shaam nauha yahi padha hai....