Yasrab khabar na jae yasrab khabar na jae
Akber guzar gae hai yasrab khabar na jae
Sughra kahi ye sunka..ro ro ke mar na jae
Waqt e saher se abtak jo bhi gaya na palta
Baba mere chacha se kehdo udhar na jae
Zehra ke gulsitan ko beghar kiya hai jaise
Ya rabb kisi ka kunba aise bikhar na jae
Boli Sakina maa se mai ja rahi hu amma
Bhai mera akela jungle me darr na jae
Zindane shaam se ye zainabpukari rokar
Bhaiyya khabar lo akar bacchi ye marr na jae
Ik raat ki biyahi kis tarha dil sambhale
Rone ko gham ki maari mayyat pe gir na jae
Itne pade hai sadme bimaar o natawan per
Abid ki aaho zaari shamo saher na jae
Haye sakina kehkar abbas ke alam se
Nazre jamae rakho jab tak guzar na jae
Shabbir ki kahani Tauqeer ki zubani
Sunkar dilon se pehron gham ka asar na jae...
|