Ghurbat ki inteha hay, na saya na rida hay, Zehra teri lahad par
Efforts: Syed-Rizwan Rizvi



Ghurbat ki inteha hay, na saya na rida hay, Zehra teri lahad par
Chand patharon ne mil kar, mehrooma likh diya hay, Zehra teri lahad par

Teeron bhari qaba thi, aur khoon bhari rida thi
Jo Shaam se bacha tha, Zainab ne rakh diya hay, Zehra teri lahad par

Do pahr dhal rahay hain, Khayyam jal rahay hain
Tasveer Karbala ki, koyi bata raha hay, Zehra teri lahad par

Zindan ki ghutan say, har lash e bekafan se
Abid ne jo sambhala, woh ansoo gir parra hay, Zehra teri lahad par

Kia ye daleel kam hay, us ki qamar may kham hay
Kaye bar aasman ne, sajda ada kia hay, Zehra teri lahad par

Sun kar hawa bhi royi, khud Karbala bhi royi
Khak e rah e Najaf ne, jo marsia parrha hay, Zehra teri lahad par

Tere gham ki chand satrain, kaam aayain gi lahad may
Bakhsish Tauqeer ki hay, ye noha jo likha hay, Zehra teri lahad par