Bhejiye bete ko maula muntazir hai matami - ya Imame Askari
Efforts: Syed-Rizwan Rizvi

Ya Hasan(as).....
Ya Hasan(as) haye Hasan(as) ya Hasan(as) Askari.....

Bhejiye bete ko maula muntazir hai matamiya Imame Askari(as)

1) Daastane zulm Maula(as) ab jahan se khatm ho
Jab talak Mehdi(atfs) na aaye rok dije waqt ko
Aal-ajal kehke guzarti jaa rahi hai har sadi
Ya Imame Askari(as)....

2) Zaalimo ne zehr Maula(as) aapko aisa diya
Dast-o-paa ke nakhoono se khoon jari hogaya
Aapki ghurbat ko dekha yaade Shabbar(as) aagayi
Ya Imame Askari(as)....

3) Dafn Sheh(as) ne jis tarha se apne asghar(as) ko kiya
Aagaya nazron may haaye manzare karbobala
Apni turbat aap ne jo ghar may khud tayyar ki
Ya Imame Askari(as)....

4) Yun to saara saamra tha rone walon mein magar
Haaye bhai kehke roye koi teri laash par
Ek behan Zainab(sa) ke jaisi kaash ke hoti teri
Ya Imame Askari(as)....

5) Ghar mein daakhil hogaye thay zulm dhane ke liye
Pursa dene ke bajaye qatl karne ke liye
Dhoondte thay charo jaanib tere Mehdi(atfs) ko shaqi
Ya Imame Askari(as)....

6) Pardaye ghaibat mein Mehdi(atfs) bhi tadap kar rehgaya
Gyara sadiyo baad ye phir se sitam dhaya gayaa
Apke roze ka girna hai shahadat doosri
Ya Imame askari(as)....

7) Maadare Shabbir(as) ka tameer roza dekhle
Ghar may Khaaliq ke "Takallum" Sheh(as) ka matam dekh le
Kam kam se itni badhado matami ki zindagi
Ya Imame Askari(as)....