Kia dekhti hay Sughra Zainab ke aasuon may
Efforts: Syed-Rizwan Rizvi

Haaye zainab, haaye zainab x6

Kya dekhti hai Sughra, Zainab ke aasuon mein.
Manzar hai Karbala ka, Zainab ke aasuon mein.

1) Barchi ka zakhm taaza, ta zindagi rahega (x2)
Akbar ka hai kaleja, Zainab ke aasuon mein.

2) Sughra nazar uthaao, Qasim ka haal dekho (x2)
Bikhra hua hai laasha, Zainab ke aasuon mein.

3) Ay deeda-e-tassawur, tujhko dekhai dega (x2)
Chota sa ek jhula, Zainab ke aasuon mein.

4) Abbas ke burredan, HaathoN ki daastan hain (x2)
Behta hai gham ka dariya, Zainab ke aasuon mein.

5) Zindan-e-Shaam mein hain, choti si qabr lekin (x2)
Moujood hai Sakina, Zainab ke aasuon mein.

6) Ab Aun aur Mohammed, bhi yaad aa rahein hain (x2)
Hone laga izaafa, Zainab ke aasuon mein.

7) Zulm-o-sitam ke manzar, sab dekhle Madina (x2)
Hai Shaam aur Kufa, Zainab ke aasuon mein.

8) Shabbir pesh-e-dawar, jayengey saath lekar (x2)
Bheega hua amama, Zainab ke aasuon mein.

9) Be pardagi ka aalam, kaisay "Adeel" likhay (x2)
Khud dekhle zamana, Zainab ke aasuon mein.

Kya dekhti hai Sughra, Zainab ke aasuon mein.