Riwayat e Mukhtar
Efforts: Syed-Rizwan Rizvi

haey aey rone walo hai yeh riwayat me likha 
Jis dam qayam koofe me Mukhtar ne kiya
jo bhi the qatilane shaheedane karbala(as)
Arey unme se koi jab bhi gireftar hota tha
Hukme ameer par wo sitam jab sunata tha 
Mukhtar sar ko peet ke bus rota jaata tha

Haey ek roz tha ye koofe ke darbaar ka sama
Ibne numair(la) apne sitam karta tha bayaa
Torri thi maine sinaey Akbar(as) me khud sina
Uthta tha shor khaimo se maara gaya jawaa
Maa jiteji guzar gayi, Zainab(sa) bhi mar gayi 
Ek barchi mere kitne jigar paar kar gayi

Haey ek roz karke laaya gaya Hurmala(la) aseer
Bola wo ran me maine chalaye thay teen teer
Us waqt pehla teer chalaya tha aey Ameer
Bhar kar chala jo mashk toh mazloom ka Safeer(as) 
Mashkeeze se jo teer mera paar hogaya 
Aisa laga ke qatl Alamdar(as) hogaya

Haey bola laeye ye karb ka hai dusra maqaam,
Laaye jo apni goad me besheer(as) ko Imam(as)
Sookhi zubaan phirata tha honton pe tishna kaam
Yun qata ibne Zahra(as) ka maine kiya kalam 
Hil hil gaya lahad me jigar Buturab(as) ka
Aray maqtal me nehar hogaya bacha Rabab(sa) ka

Haey darbar me ye sunke qayamat ka tha samaa 
Aray peero jawaan rote the lele ke hichkiyan
Bola ye Hurmula(la) abhi baaqi hai dastaa 
Jis dam tera Husain(as) tha teero ke darmiyaan
Wo teer aakhri tha jo maine chalaya tha 
Aray us teer ne Husain(as) ko zeen se giraya tha

Haey phir shor wa husaina(as) ka uthta tha baar baar 
Jab qaid karke laya gaya Shimre(la) bad sheyaar
Bola wo mere haath me khanjar tha tez dhaar 
Jisse kiye Husain(as) ki gardan pe tera(13) waar
Khanjar rawa tha halq pe ibne Batool(as) ke 
Dil kat rahe the saath me aale rasool(as)ke

Haey ab iske baad Meer Takallum bayan ho kya 
Aey pursadaro sochna dil me kabhi zara 
Kyu itna waqt qatile Shabbir(as)  ko laga 
Kis waste Husain(as) ka kat-ta na tha gala 
Mehsher me ye khulega sitam kaynaat par 
Khanjar ke kuch nishaan hai Zahra(sa) ke haath par