Aao ik kaam karain Karbala aam karain
Efforts: Syed-Rizwan Rizvi



Aao ik kaam karain

Aey mere desh ke logo meri awaaz suno
Meri awaaz-e me maktal ka ye aghaaz suno (x2) 
Kya khabar tum na raho (x2) Kya khabar ham na rahain 

Aao ik kaam karain, Karbala aam karain (x2) 

Jis tarha saniye Zehra ne isay aam kiya
Aik zanjir ki jhankar ne wo kaam kiya
Jis tarha se shohada ne safare shaam kiya
Yani nezon se buland aur bhi Islam kiya
Ham isi darse qayadat ki ada aam karain
Kya khabar tum na raho (x2) Kya khabar ham na rahain 
Aao ik kaam karain, Karbala aam karain (x2)

Ye jo majlis he madawa hay har ik gham ke liye
Aik sawghat he ye ba didaye purnam ke liye
Soze dil chahiya tehzeebe muharram ke liye
Koyi tafreeq nahi halqae matam ke liye
Rone walo ke liye farshe aza aam karain 
Kya khabar tum na raho (x2) Kya khabar ham na rahain 
Aao ik kaam karain, Karbala aam karain (x2)

Aao dekho ke ye khayma ye alam kiska hai
Khoon se naam ye sehra pe raqam kiska hai
Ab bhi tarik se aghe ye kadam kiska hai
Sari duniya ko bata dain ke ye gham kiska hai
Sari duniya ke liye gham ki fiza aam karain
Kya khabar tum na raho (x2) Kya khabar ham na rahain 
Aao ik kaam karain, Karbala aam karain (x2)

Tum bhi seenay me ye gham leke chalo ham bhi chalain
Tum bhi inkare sitam leke chalo ham bhi chalain
Tum bhi haq ka ye hasham leke chalo ham bhi chalain
Tum bhi Ghazi ka alam leke chalo ham bhi chalain
Har zamane ke liye zikre wafaa aam karain
Kya khabar tum na raho (x2) Kya khabar ham na rahain 
Aao ik kaam karain, Karbala aam karain (x2)

Aisa aijaaz to tareekh ne dekha na suna
Jo diya noor ke hathon shabe ashoor bujha
Sab shahidon ke dilon me wo diya jake jala
Aaj bhi roshni deta hai wohi aik diya
Har andhere me wohi aik diya aam karain
Kya khabar tum na raho (x2) Kya khabar ham na rahain 
Aao ik kaam karain, Karbala aam karain (x2)

Baad Shabbir ke apnay bhi hain aghyaar bhi hain
Khandane bani hashim bhi hain ansar bhi hain
Hur bhi hain John bhin hain Akbaro Jarrar bhi hain
Jaan dene ke liye subho se tayyar bhi hain
Aise maqtal ki fizaa ko ba khuda aam karain
Kya khabar tum na raho (x2) Kya khabar ham na rahain
Aao ik kaam karain, Karbala aam karain (x2)

Qafela rehgaya ik dashte bala me pyasa
Jinki meeras thi kausar unhe pani na mila
Ye sabilain unhe pyason se wafaa he ba khuda
Koi pyaasa na rahain thi ye Sakina ki dua
Har zameen par ye sakina ki dua aam karain
Kya khabar tum na raho (x2) Kya khabar ham na rahain 
Aao ik kaam karain, Karbala aam karain (x2)

Rehnumaa qatl huwa qatl qayadat na hui
Ik imam aur barrha khatm imamat na hui
Jism rondhe gaye pamal shariat na hui
Chadarain chin gayeen batil ki hukumat na hui
Ye Muhammad ke garanay ki wafaa aam karain
Kya khabar tum na raho (x2) Kya khabar ham na rahain 
Aao ik kaam karain, Karbala aam karain (x2)

Mere mawla mere aqa ye tera gham na rukay
Kitne tufan bhi hilal aaye magar ham na ruke
Ay azadar ye majlis ye muharram na ruke
Waqt kitna hi badal jaye ye matam na ruke
Ye shahido ka he matam ba khuda aam karain
Kya khabar tum na raho (x2) Kya khabar ham na rahain 
Aao ik kaam karain, Karbala aam karain (x2)