Sham e gharibaan ki jaagi hui
Efforts: Syed-Rizwan Rizvi



Haye 
Sun Lo Sakina (S.a) Ka Nauha Chacha, Kya Mujh Pe Guzri Jafa
Jub Tum Rahe Na Rahe Baba Jaan….

Sham E Ghariba Ki Jagi Hui, Main Soi Kahan….., 
Khaye Tamache Mai Roi Jahan (x2)

Jis Din Se Baba Gaye Chod Kar,
Jis Din Se Daag E Yatimi Mila
Kya Kya Masaib Mile Hai Mujhe,
Kaise Batau Tumhe Aai Chacha (x2)
Daman Jala Chingi Hai Rida, Chin Gai Balian…..
Khaye Tamache Mai Roi Jahan (x2)

Kaise Bayan Main Karu Apne Gam,
Bus Dil Pe Sub Zakhm Ghehre Lage,
Yeh Jism Hi Sirf Qaidi Nahi,
Meri Fuga Par Bhi Pehre Lage (x2)
Chup Chup Ke Roie, Ghut Ghut Ke Karti Rahi Hun Fuga
Khaye Tamache Mai Roi Jahan (x2)

Maqtal Ki Jalti Hui Reet Par,
Roti Thi Zer E Alam Baith Kar
Bus Aap Ke Gam Me Mere Chacha,
Rehti Thi Din Raat Main Nauha Gar (x2)
Baad Aap Ke Is Yatima(sa) Ne Jheli Hai Kya Sakhtiyan,
Khaye Tamache Mai Roi Jahan (x2)

Shame Gariba haweda huie
Charon Taraf Teergi Cha Gai
Koi Muhafiz Na Jub Reh Gaya,
Fauj E Sitam Loot Ne Aagai (x2)
Kya Kaya Masaib Uthaie Hai Maine, Karu Kya Bayan
Khaye Tamache Mai Roi Jahan (x2)

Gyarah Moharram Ki Aaie Sahar,
Qaidi Bani Mai Rasan Pahan Kar
Bazu Bandhe Subke, Mera Gala,
Panjo Pe Chal Ke Kiya Who Safar, (x2)
Karbal Se Kufa, Ya Kufa Se Musal Ki Woh Wadiyan
Khaye Tamache Mai Roi Jahan (x2)

Rahanon Me Yeh Saneha Bhi Hua,
Mai Chut Gai Kafele Se Chacha,
Tab Dadi Zehra(sa) Wahan Aa Gai,
Kutch Der Mujhko Sukon Mil Gaya, (x2)
Dil Tham Kar Woh Bhi Rone Lagi, Jub Suni Yeh Fuga
Khaye Tamache Mai Roi Jahan (x2)

Manga Kanizi Me Jis Dum Mujhe,
Dam Mera Had Se Siwa Ho Gya,
Dil Mera Yeh Kehke Rone Laga,
Aai Kash Is Wakt Hote Chacha, (x2)
Yeh  Zulm Us Par Jo Aashur Se, Kar Rahi Hai Fuga
Khaye Tamache Mai Roi Jahan (x2)

Farhan O Mazhar Fuga Kam Na Ho ,
Patthar Hai Woh Aankh Jo Nam Na Ho,
Farshe Aza Pe Yeh Mumkin Nahi,
Zikr e Sakina(sa) Ho, Matam Naho (x2)
Socho Agar, To Mukammal Hai Nauha , Yeh Jumla Yahan
Khaye Tamache Mai Roi Jahan (x2)