May paidal chala Karbala
Efforts: Syed-Rizwan Rizvi



Husain(as) (x5)

Imam Jafar-E-Sadiq (A.s) Irshad  Farmate Hayn, 
”Ke Jo Shaksh Imam Husain(as) Ke Kabr Ki Taraf Paidal Chal Kar Aaya 
Allah(Aj) Us Ke Liye Har Kadaam Ke Badle 1000 Nakiya Likh Deta Hay 
Aur 1000 Gunah Maaf Kar Deta Hay 
Aur 1000 Darjaat Baland Kar Deta Hay.”
 
Labbaik Ya Husain(A.s)
Mai Ishq Ke Safar Pe Chala (x2)
Hare Ek  Kadam Pe Karta Hua Shukr E Khuda
Mai  Safar Pe Chala (x2)
 
Jab Maine Sar Zameene Najaf Par Rakhe Kadam
Dil Ne Mere Irada Kia Ya Shahe Ummam(as)
Ye Tujh Se Mohabbat Hay Meri (x2)
Aau Jo Ziyarat Ko Teri Ibne Ali(as)
Kar Le Qabool Mera Aqidat Bhara Salam
Paidal Najaf Se Karbobala Aaenga Gulam
Almadad Ya Shahe Karbala
Almadad Ya Shahe La Fatah
 
Mai Paidal Chala Karbala (x5)
Naaz Kismet Pe Karta Hua
Mai Paidal Chala Karbala (x3)
 
Mere Sine Me Bachpan Se Armaan Tha,
Aa Gaya Gar Waha Se Bulawa Mera,
Shahe Marda(as) Ke Dar Se Suwe Karbala,
Apni Pairo Pe Chalta Hua Jaunga,
Shukre Maula(as) Who Din Aa Gaya,
 
Mai Paidal Chala Karbala

Zebe Tankar Kar Ke Ehraam E Gum Chal Dia
Khud Pe Naade Ali(as) Kar Ke Dum Chal Dia
Ek Chota Sa  Lekar Alam Chal Dia
Tha Nigaho Me Sheh(as)  Ka Haram Chal Dia
Jab Ye Izn E Safar Mil Gaya
 
Mai Paidal Chala Karbala

Us Musafat Ka Ehwal Mujhse Suno,
Mai Najfa Se Chala Jis Ghadi Momino,
Yaad Karta Raha Maula Sajjad (A.s) Ko ,
Kya Kahun  Hausla Jo Mila Dosto,
Har Kadam Nauha Padhta Hua,
 
Mai Paidal Chala Karbala
 
Nauha Karte Hue Sogwar Aa Gai,
Jis Taraf Aankh Utthi Hazar Aagaie,
Farsh Par Arsh Se Pursadar Aagaie,
Thak Ke Baitha To Khidmat Guzar Aagaie,
Jis Ka Jee Chaha Jaise Chala
 
Mai Paidal Chala Karbala
 
Chalte Chalte Jo Pairon Mein Chale Padhe,
Aa Gaie Yaad Sub Zakhm Sajjad (A.s) Ke,
Yaad Aaie Aseeron Ke Jub Hausle,
Yun Laga Jaise Chale Padhe Hi Na The,
Un Aseeron(as) Ko Rota Hua
 
Mai Paidal Chala Karbala
 
Imam Jafar E Sadiq (as) Irshad Farmate Hain, 
“Jis Ne Imam Husain(as) Ki Ziyarat Kar Li 
Goya Usne Rasoolallah(sawaw) Ki Ziyarat Kar Li.”
 
Sadiq E Aale Athar(as) Se Bhi Suna,
Zairon Ke Liye Keh Gaye Mustafa(sawaw),
Jis Ne Dekha Haram Mere Shabbir(as) Ka,
Us Ko Meri Ziyarat Hui Ba Khuda,
Is Aqidat Mein Behta Hua
 
Mai Paidal Chala Karbala
 
Dunia Walon Yehi Ishk Ka Hay Safar,
Kamzan Ambiya Bhi Hay Is Rah Par,
Is Safar Ki Fazilat Se Ho Ba Khabar,
Sakht Sardi Ho Ya Sakht Garmi Magar,
Sub Ke Lab Par Hay Bas Ek Sada

Mai Paidal Chala Karbala
 
Yadon Mein Hay Meri Abtak Woh Karwan (x2)
 
Manzil Ko The Rawan, Kay Tifl Kya Jawan,
Parda Nasheen Sub Maan Behne Betiyan,
Hathon Me Ya Husain(as) Ke Parcham Liye Hue,
Mausam Ki Fikr Thi Na Thakan Ke Moamle,
Badhte Rahe Husain(as) Ke Janib Yeh Kafle,
Har Char Gaam Par The Moakkib Bane Hue,
Unme Tha Zaieereen Ki Rahat Ka Ehtemam,
Jinnat Aur Farishte Bhi Karte The Ehtemam,
Logon Ke Ajdaham Me Dekha Yeh Mojiza
Na Bhook Se Nidhal Na Pyasa Koi Mila,
Sadqa Mere Husain(as) Ka Bat Ta Tha Char Su
Aati Thi Rotiyon Se Mano Salva Ki Khushboo
Naqabil E Bayan Hay Jo Ehtemam The
Kuze Jo The Sabeel Pe Kausar Ke Jam The
Han Zair E Husain(as) Ke Pairon Ki Khaak Se
Na Jaane Kitne Log Shifayab Hote The
Aksar Yeh Zaieereen Ke Kanon Ne Bhi Suna
Aati Hay Husain(as) Ke Rauze Se Ek Sada
Yeh Log Mohtaram Hay (x4) Hamari Nigah Mein
Abbas(as) Zaireen Ko Lelo Panah Mein
 
Labbaik Ya Husain(as)
Saya Sar Pe Alamdar(as) Ka
 
Mai Paidal Chala Karbala
 
Zairon Se Main Sun Ta Tha Aksar Yehi
Chahe Jis Raaste Se  Bhi Jaaie Koi
Pehle Hongi Ziyarat Alamdar(as) Ki
Bad Mein Kabre Shahe Zaman(as) Aaiengi
Janne Ko Yeh Sub Majra
 
Mai Paidal Chala Karbala
 
Aaya Jub Samne Rauza Shabbir(as) Ka
Gir Ke Be Sakhta Main Ne Sajda Kiya
Apne Maula(as) Se Sajde Mein Ro Kar Kaha
Maangne Kutch Nahi Aaya Mai Ba Khuda
Shauk Teri Ziyarat Ka Tha
 
Mai Paidal Chala Karbala
 
Imam Jafar E Sadiq(as) Ne Irshad Farmaya, 
“Imam Husain(as) Ki Ziyarat Tamam Aamal Se Afzal Hay, 
Jo Shaks Imam Husain(as) Ke Haq Ki Marefat Rakhte Hue 
Unki Kabr Par Aaienga Woh Us Shaks Ki Tarha Hoga 
Jisne Rasulallah(sawaw) Ke Sath 100 Haaj Kiye Ho, 
Agar Tum Me Se Ek Admi Sari Zindagi Haaj Karta Rahe 
Aur Usne Husain Ibne Ali(as) Ki Ziyarat Na Ki Ho 
To Who Allah(A.J.) Aur Uske Rasool(sawaw) Ke Haq Ka Tariq Hoga, 
Kyunke Husain(as) Ka Haq, Allah (A.J.) Ke Un Faraiz Mein Se Hay 
Jo Ke Har Musalman Par Wajib Hay
 
Keh Di Yeh Baat Mazhar Ne Farhan Se
Haaj Pe Jaana Tha Pichle Baras To Mujhe
Main Ne Jaana Jo Kaabe Se Afzal Ushe
Karbala Ke Hi Phir Mai Ne Samaan Kiye
Phir Najaf Se Hi Rota Hua
 
Mai Paidal Chala Karbala